అందాల భామ కాజల్ అగర్వాల్ ప్రస్తుతం టాలీవుడ్లో స్టార్ హీరోయిన్గా తన సత్తా చాటుతూనే ఉంది.ఇప్పటికే దశాబ్ధ కాలంగా టాప్ ప్లేస్లో ఉన్న ఈ బ్యూటీ, తన స్థానాన్ని దక్కించుకుంటూ వరుసబెట్టి సినిమాలు చేస్తూ వస్తోంది.
కాగా తాజాగా మెగాస్టార్ చిరంజీవి సరసన ఆచార్య సినిమాలో హీరోయిన్గా సెలెక్ట్ అయిన ఈ బ్యూటీ, త్వరలో రాబోయే మరో క్రేజీ ప్రాజెక్ట్లో నటించనుంది.
మంచు విష్ణు హీరోగా తెరకెక్కుతున్న ‘మోసగాళ్లు’ అనే థ్రిల్లర్ యాక్షన్ మూవీలో కాజల్ అగర్వాల్ హీరోయిన్గా నటిస్తోంది.
ఈ సినిమాను హాలీవుడ్ డైరెక్టర్ పలు భాషల్లో తెరకెక్కిస్తుండటంతో ఈ సినిమాపై మంచి అంచనాలు క్రియేట్ అయ్యాయి.ఇక ఈ సినిమాను హాలీవుడ్లోనూ రిలీజ్ చేసేందుకు ప్రయత్నాలు చేస్తు్న్నారు చిత్ర యూనిట్.
భారత్లో జరిగిన అతిపెద్ద ఐటీ స్కామ్ను మనకు ఈ సినిమాలో చూపించబోతున్నారు చిత్ర యూనిట్.
పలువురు ట్యాలెంటెడ్ నటీనటులు నటిస్తున్న ఈ సినిమాలోని కాజల్ అగర్వాల్ లుక్ను ఆమె పుట్టినరోజు సందర్భంగా చిత్ర యూనిట్ రిలీజ్ చేశారు.
ఈ లుక్లో ఆమె ముఖాన్ని సగమే చూపించారు.మిగతా సగం మంచు విష్ణు ముఖంతో రిలీజ్ చేశారు.
కాగా ఈ సినిమాలో అను అనే పాత్రలో ఆమె నటిస్తోంది.పోస్టర్తో ప్రేక్షకులను ఆకట్టుకున్న కాజల్, ఈ సినిమాలో ఎలాంటి పాత్రలో నటిస్తుందో తెలియాలంటే మాత్రం సినిమా రిలీజ్ అయ్యే వరకు ఆగాల్సిందే.