సాధారణంగా సినిమా ఇండస్ట్రీలో హీరోయిన్లు, యాంకర్లు పెళ్లి చేసుకుంటే అవకాశాలు తగ్గుతాయని ఇండస్ట్రీలో ఉండేవాళ్లతో పాటు ఆయా హీరోయిన్ల, యాంకర్ల ఫ్యాన్స్ భావిస్తారు.అయితే కొందరు హీరోయిన్లు మాత్రం పెళ్లి తరువాత కూడా వరుసగా అవకాశాలను అందిపుచ్చుకుంటూ ఆ సెంటిమెంట్ నిజం కాదని ప్రూవ్ చేస్తున్నారు.
అలా అవకాశాలను అందిపుచ్చుకుంటున్న హీరోయిన్లలో కాజల్ అగర్వాల్, సమంత ఉన్నారు.
గతేడాది అక్టోబర్ 30వ తేదీన ప్రముఖ వ్యాపారవేత్త గౌతమ్ కిచ్లును వివాహం చేసుకున్న కాజల్ అగర్వాల్ ప్రస్తుతం చిరంజీవితో ఆచార్య, ప్రభుదేవాతో ఒక సినిమాతో బిజీగా ఉన్నారు.
కాజల్ నటించిన లైవ్ టెలీకాస్ట్ వెబ్ సిరీస్ డిస్నీ + హాట్ స్టార్ లో నిన్నటి నుంచి స్ట్రీమింగ్ అవుతోంది.ఈ వెబ్ సిరీస్ ప్రమోషన్లలో భాగంగా మాట్లాడిన కాజల్ పెళ్లి, వృత్తికి సంబంధం ఏమిటని అది పర్సనల్, ఇది ప్రొఫెషనల్ అంటూ కామెంట్లు చేశారు.
చాలామంది యాక్టర్ కు పెళ్లైతే పెళ్లి తర్వాత కూడా పని చేస్తారా.? అని ప్రశ్నిస్తారని పెళ్లైతే పని చేయకూడదా.? పెళ్లికి, వృత్తికి సంబంధం ఏమిటి.? అని ప్రశ్నించారు.ఎవరైనా పెళ్లి తర్వాత కూడా పని చేస్తున్నారా.? అని అడిగితే తాను నటిస్తున్న సినిమాల జాబితా వాళ్లకు చెప్పాలని అనిపిస్తుందని కాజల్ అగర్వాల్ చెప్పుకొచ్చారు.తాను నటించిన నాలుగైదు సినిమాలు కూడా ఈ ఏడాదే విడుదల కాబోతున్నాయని వెల్లడించారు.
హీరోహీరోయిన్లకు షూటింగ్ అయిపోతే పని అయిపోతుందని.
కానీ దర్శకులకు మాత్రం ఎంత వర్క్ ఉంటుందో ఈ సినిమా షూటింగ్ లో పాల్గొంటున్న సమయంలోనే అర్థమైందని వెల్లడించారు.పెళ్లి తర్వాత లైఫ్ చాలా అద్భుతంగా మారిందంటూ కాజల్ అగర్వాల్ చెప్పుకొఛారు.
గౌతమ్ అప్పుడప్పుడూ సెట్ కు వస్తుంటారని సెట్ లో ఉన్నవారంతా గౌతమ్ ను కుటుంబ సభ్యుడిలా చూసుకుంటున్నారని ఆమె అన్నారు.
తెలుగు వార్త విశేషాలు సులభముగా తెలుసుకోండి!!!!
