చందమామ బ్యూటీ కాజల్‌ అగర్వాల్‌ సినిమా ఇండస్ట్రీలో తెరంగేట్రం చేసి పుష్కర కాలం దాటింది.అయినా ఇప్పటి వరకు కూడా ఈ అమ్మడు స్టార్ హీరోలకు వాంటెడ్‌ హీరోయిన్‌గా కొనసాగుతోంది.
తెలుగులో ఈమె ప్రస్తుతం ఆచార్య చిత్రంలో నటిస్తుంది.మరో వైపు తమిళంలో ఇండియన్‌ 2 చిత్రంలో నటిస్తోంది.
ఈ రెండు సినిమాలు కాకుండా చిన్నా చితకా సినిమాల్లో కూడా ఈ అమ్మడు ఆడి పాడుతూనే ఉంది.ఆమద్య కాస్త డల్‌ అయినట్లుగా అనిపించినా కూడా ఈ అమ్మడు ప్రస్తుతం మాత్రం జోరు మీదున్నట్లుగా కనిపిస్తోంది.
పారితోషికం విషయంలో ఇంకా కూడా ఈమె పట్టు వదలకుండా ఉండటం చూస్తుంటే ఈమెకు ఇంకా ఈ స్థాయిలో స్టార్‌డం ఉందా అనిపిస్తుంది.తాజాగా ఈమె రానా నటిస్తున్న హాతీ మేరీ సాతి చిత్రంలో గెస్ట్‌ రోల్‌లో నటించేందుకు గాను ఓకే చెప్పింది.
ఆ చిత్రంలో నటించేందుకు గాను కాజల్‌ అగర్వాల్‌ ఏకంగా 70 లక్షల పారితోషికం పొందుతుందట.కోటి డిమాండ్‌ చేయగా నిర్మాతలు 70 లక్షల వరకు బేరం తెగ్గొట్టారట.మొత్తానికి ఈ అమ్మడి వ్యవహారం మామూలుగా లేదుగా అంటున్నారు.
సినిమాలో కేవలం 30 నిమిషాల పాటు కనిపించే గిరిజన యువతి పాత్రకు గాను ఈమె తీసుకుంటున్న ఈ పారితోషికం చాలా చర్చనీయాంశం అవుతోంది.భారీ ఎత్తున ఈ అమ్మడు పారితోషికం తీసుకోవడానికి మరో కారణం కూడా ఉంది.ఈ చిత్రంలో కాజల్‌ బ్లౌజ్‌ లేకుండా నటిస్తుందట.
అంటే పక్కా గిరిజన యువతి పాత్రలో పాత తరం అమ్మాయి పాత్రలో ఆమె కనిపించబోతున్నట్లుగా చెబుతున్నారు.మరి అసలు విషయం ఏంటీ అనేది ఆ సినిమా వస్తే కాని తెలియదు.
ఇక ఆచార్య చిత్రం కోసం కోటిన్నర ను అలాగే ఇండియన్‌ 2 చిత్రంకు గాను రెండు కోట్లకు పైగా పారితోషికంను కాజల్‌ దక్కించుకుంటున్నట్లుగా కూడా వార్తలు వస్తున్నాయి.ఈ వయసులో కూడా ఈ స్థాయి పారితోషికం తీసుకోవడం అంటే నిజంగా రికార్డు విషయం అంటున్నారు.
తెలుగు వార్త విశేషాలు సులభముగా తెలుసుకోండి!!!!
