పెద్ద వారి చేతిలో పిల్లలు అనేక సార్లు అడ్డగాడిదలా పెరగావు… ఎన్నిసార్లు చెప్పినా వినవా…? అంటూ తిట్లు తినకుండా ఉండేవారు చాలా తక్కువే.అయితే ఇదే సామెతని తాజాగా ఓ గాడిదనే ఉదాహరణగా చూపిస్తూ జర్నలిస్ట్ కొత్త ప్రయోగానికి శ్రీకారం చుట్టాడు.
ప్రజలకి కేంద్ర, రాష్ట్ర ప్రభుత్వ అధికారులు ఎన్ని సార్లు కరోనా ను దూరం చేయడానికి మూతికి మాస్కులు ధరించండి అని ఎన్నిసార్లు మొత్తుకున్నా ఆ మాటలను ఎప్పుడో పక్కన పెట్టేశారు ప్రజలు.ఇందుకోసం ప్రజలకు ఎన్ని పనిష్మెంట్స్ ఇచ్చిన, ఫైన్ లు వేసిన జనాల్లో మాత్రం మార్పులు రావట్లేదు.
ఈ అంశాన్ని కొత్తగా చూపించాలని కొన్న జర్నలిస్ట్ ఏకంగా రోడ్డు మీద వెళ్తున్న ఓ గాడిద మూతి దగ్గర మైకు పెట్టి, మాస్కు ధరించకుండా రోడ్డు మీదకు ఎందుకు వచ్చావు…? అని అడిగాడు.నిజానకి అయితే ఆ ప్రశ్న గాడిద ఎందుకు సమాధానం ఇస్తుంది చెప్పండి.
అయితే వెంటనే ఆ పక్కనే మాస్కులు లేకుండా వెళుతున్నాడు ఓ మనిషి.ఆ వ్యక్తి ని ఆపి ఆ గాడిదను చూపి మాస్క్ పెట్టుకోకుండా ఎందుకు బయటికి వచ్చారు అని అడిగానని, దానికి సమాధానం చెప్పట్లేదు ఎందుకని అతనిని ప్రశ్నించాడు.
దానికి ఆ వ్యక్తి అది గాడిద కాదు సార్….ఎలా చెబుతుందని అన్నాడు.
దీనితో రిపోర్టర్ అవునా… అందుకేనా ఈ గాడిద లాక్ డౌన్ సమయంలో మాస్క్ వేసుకోకుండా రోడ్డుమీద తిరుగుతుంది అని అన్నాడు.
దీంతో ఆ వ్యక్తి తనను జర్నలిస్ట్ గాడిద తో పోల్చడం అర్థం చేసుకొని వెంటనే అక్కడి నుంచి వెళ్ళిపోయాడు.అలాగే అక్కడి తిరుగుతున్న మాస్క్ లేని కొందరిని ఇలాగే మరికొంతమంది కూడా ప్రశ్నించాడు.దీనికి సంబంధించిన వీడియోను భారతదేశ ఓ ఐపీఎస్ అధికారి తన ట్విట్టర్ ఖాతా ద్వారా పోస్ట్ చేయడంతో అదికాస్తా వైరల్ గా ట్రెండ్ అవుతుంది.
ఆ వీడియోకు లాక్ డౌన్ సమయంలో బెస్ట్ మీడియా ఇంటర్వ్యూ ఇదే అంటూ క్యాప్షన్ ని కూడా జత చేశాడు.జర్నలిస్ట్ చేసిన ప్రయత్నానికి నెటిజన్లు అభినందనలను తెలుపుతున్నారు.
తెలుగు వార్త విశేషాలు సులభముగా తెలుసుకోండి!!!!
