టాలీవుడ్ క్రేజీ హీరో విజయ్ దేవరకొండ ఇమేజ్ ప్రస్తుతం ఒక రేంజ్ లో ఉంది.ఓ విధంగా చూసుకుంటే బాలీవుడ్ హీరోయిన్స్ ని సైతం విజయ్ తన లుక్స్, యాటిట్యూడ్ తో మెస్మరైజ్ చేస్తున్నాడు.
బాలీవుడ్ భామలు అక్కడి హీరోలని వదిలేసి విజయ్ దేవరకొండకి ఫిదా అయిపోతున్నారు.ఇప్పటికే బాలీవుడ్ ముద్దుగుమ్మ కైరా అద్వానీ తాను విజయ్ దేవరకొండ ఫ్యాన్ అని ఓ సందర్భంగా చెప్పింది.
ఇక ఇద్దరు కలిసి ఓ సెలబ్రిటీ ఫాషన్ ఈవెంట్ లో, అలాగే ఓ యాడ్ లో కలిసి సందడి చేశారు.ఇక ఈ మధ్యకాలంలో బీటౌన్ లో హీరోలతో కలిసి సందడి చేస్తున్న విజయ్ దేవరకొండ అక్కడ కూడా పాగా వేయడానికి రెడీ అయిపోతున్నాడు.
ఇదిలా ఉంటే జూనియర్ అతిలోక సుందరి జాన్వీ కపూర్ తాను విజయ్ దేవరకొండ కి పెద్ద ఫ్యాన్ ని అని ఓ సందర్భంగా చెప్పింది.టాలీవుడ్ లో ఛాన్స్ వస్తే అతనితో కలిసి నటించడానికి ఆసక్తి చూపిస్తుంది.
ఇదిలా ఉంటే తాజాగా ఓ ఇంటర్వ్యూలో ఈ భామ మరో సారి విజయ్ మీద తనకున్న ప్రేమని చాటుకుంది.విజయ్ మీద తనది వన్ సైడ్ క్రష్ అని చెప్పింది.
ఈ విషయాన్ని ఇది వరకే చెప్పిన అతను స్పందించలేదని సరదాగా చెప్పింది.అయితే విజయ్ నట్టు పట్టించుకోవడం లేదని, నేనే అతని గురించి ఎక్కువగా మాట్లాడుతున్నట్లు ఉందని మీడియాతో నవ్వుతూ చెప్పింది.
తనకి విజయ్ నటన నచ్చుతుందని చెప్పింది.మరి జాన్వీ కపూర్ కామెంట్స్ పై విజయ్ దేవరకొండ ఏ విధంగా స్పందిస్తాడు అనేది ఇప్పుడు చూడాలి.
