ప్రతి సంవత్సరం జనవరి నెలలో పదుల సంఖ్యలో సినిమాలు థియేటర్లలో విడుదలవుతాయనే సంగతి తెలిసిందే.సంక్రాంతికి విడుదలైన సినిమాలకు పాజిటివ్ టాక్ వస్తే రికార్డులు బ్రేక్ అవుతాయి.2023 సంవత్సరం జనవరి నెలలో విడుదలైన సినిమాలను పరిశీలిస్తే విభిన్నమైన ఫలితాలు వచ్చాయి.జనవరి మొదటి వారంలో జర్నీ టు కాశీ, దోస్తాన్, మైఖేల్ గ్యాంగ్, ప్రత్యర్థి సినిమాలు రిలీజ్ అయ్యాయి.
ఈ సినిమాలు ఎప్పుడు విడుదలయ్యాయో కూడా చాలామంది సినీ అభిమానులకు తెలియదు.జనవరిలో ఒక్కడు మూవీ రీరిలీజ్ కాగా ఈ సినిమాకు చెప్పుకోదగ్గ స్థాయిలో కలెక్షన్లు వచ్చాయి.
సంక్రాంతి పండుగ కానుకగా ఐదు సినిమాలు విడుదల కాగా ఐదు సినిమాలు బ్రేక్ ఈవెన్ అయ్యాయి.జనవరి 11వ తేదీన అజిత్ హీరోగా తెరకెక్కిన తెగింపు రిలీజ్ కాగా అజిత్ అభిమానులకు, ఒక వర్గం ప్రేక్షకులకు ఈ సినిమా నచ్చింది.
జనవరి 12వ తేదీన వీరసింహారెడ్డి సినిమా రిలీజ్ కాగా ఈ సినిమాకు ఇప్పటివరకు 75 కోట్ల రూపాయల కలెక్షన్లు వచ్చాయి.కమర్షియల్ గా ఈ సినిమా సక్సెస్ కాగా బాలయ్య ఫ్యాన్స్ కు ఈ మూవీ తెగ నచ్చింది.బాబీ డైరెక్షన్ లో తెరకెక్కిన వాల్తేరు వీరయ్య ఇప్పటివరకు 250 కోట్ల రూపాయల కంటే ఎక్కువ కలెక్షన్లను సాధించగా ఫుల్ రన్ లో ఈ మూవీ కలెక్షన్లు ఎక్కడ ఆగుతాయో చూడాలి.
రిపబ్లిక్ డే సమయంలో హంట్, వాలంటైన్స్ నైట్, సింధూరం, మాలికాపురం, పఠాన్ రిలీజ్ కాగా పఠాన్ కు మాత్రం పాజిటివ్ టాక్ వచ్చింది.జనవరి నెల బాక్సాఫీస్ విన్నర్ వాల్తేరు వీరయ్య అని కామెంట్లు వినిపిస్తున్నాయి.ఫిబ్రవరి నెల సినిమాలు బాక్సాఫీస్ వద్ద ఏ రేంజ్ హిట్లుగా నిలుస్తాయో ఎలాంటి ఫలితాలు అందుకుంటాయో చూడాల్సి ఉంది.