పవర్ స్టార్ పవన్ కళ్యాణ్ నటించిన జల్సా చిత్రం గురించి అందరికీ తెలిసే ఉంటుంది.ఫెయిల్యూర్స్‌తో సతమతమవుతున్న పవన్‌కు పెద్ద బ్లాక్‌బస్టర్ హిట్ అందించిన చిత్రంగా జల్సా నిలిచింది.
ఈ సినిమాను మాటల మాంత్రికుడు త్రివిక్రమ్ డైరెక్ట్ చేయడంతో ఈ సినిమాపై భారీ అంచనాలు క్రియేట్ అయ్యాయి.
ఇక ఈ సినిమాకు ఫుల్ ఫాంలో ఉన్న దేవిశ్రీ ప్రసాద్ అందించిన మ్యూజిక్, ఇప్పటికీ శ్రోతలను అలరిస్తుంది.
అదిరిపోయే పాటలకు ఆలోచింపజేసి ఆకట్టుకునే మాటలు తోడైతే ఎలా ఉంటుందో ఈ సినిమా చూస్తే తెలుస్తుంది.త్రివిక్రమ్ డైలాగులను పవన్ నోటి వెంట వింటూ ప్రేక్షకులు సినిమాలో లీనమై పోయారు.
ఇక పవన్ బ్రహ్మానందంతో కలిసి చేసిన కామెడీకి థియేటర్లలో నవ్వులే నవ్వులు.కథా పరంగా ఎక్కడా బోరింగ్ సీన్స్ లేకపోవడంతో ప్రేక్షకులు ఈ సినిమాను మళ్లీ మళ్లీ చూశారు.
2008, ఏప్రిల్ 2న రిలీజ్ అయిన ఈ సినిమా భారీ సక్సెస్‌ను అందుకోవడమే కాకుండా ఏకంగా 100 రోజులు కూడా పూర్తి చేసుకుని పవన్ కెరీర్‌లో అదిరిపోయే చిత్రంగా నిలిచింది.త్రివిక్రమ్-పవన్ కాంబోకు శ్రీకారం చుట్టింది ఈ జల్సా సినిమానే.
ఇక ఆ తరువాత పవన్ వరుసగా సక్సెస్ చిత్రాలతో దూసుకుపోతూ ఉన్నాడు.
