ఒకప్పుడు హీరోగా వరుస సక్సెస్‌లు అందుకున్న ఫ్యామిలీ స్టార్ జగపతి బాబు అందరి మన్ననలు అందుకున్నాడు.అయితే కాలం కలిసిరాకపోవడంతో హీరోగా వరుస పరాజయాలు చవిచూసి, అటుపై ఫేడవుట్ హీరోగా మారాడు.
అయితే బోయపాటి-బాలయ్య కాంబో లెజెండ్ సినిమాతో ఒక్కసారిగా తన సెకండ్ ఇన్నింగ్స్‌ను సిక్సర్‌తో మొదలుపెట్టాడు ఈ నటుడు.ఇప్పుడు క్యారెక్టర్ ఆర్టిస్టుగా, విలన్ పాత్రలు కూడా చేస్తూ పిచ్చ డిమాండ్‌లో ఉన్నాడు.
తాజాగా ఓ చిత్రంలో లీడ్ రోల్ చేసేందుకు జగపతి బాబు ఒప్పుకున్నాడు.ఈ సినిమాలో జగ్గు భాయ్ కండోమ్స్ అమ్ముకుంటాడట.
అదేనండి.కండోమ్ కంపెనీ యజమానీగా జగపతి బాబు నటిస్తాడట.
ఈ సినిమా చాలా బోల్డ్‌గా ఉంటుందిని చిత్ర దర్శకుడు విద్యాసాగర్ తెలిపారు.ఇక ఈ సినిమాలో వేశ్యల జీవితాన్ని ప్రతిబింబించేలా కథను రాసుకున్నాడట దర్శకుడు.
ఈ సినిమాలో ఓ వేశ్య పాత్రలో అందాల భామ శ్రద్ధా దాస్ నటించనుంది.
ఏదేమైనా కండోమ్‌లు అమ్ముకునే పాత్ర అనగానే ఈ సినిమాలో బోల్డ్‌నెస్ ఎలా ఉంటుందో అర్ధం చేసుకోవచ్చు.
అయితే వేశ్యల జీవితాలను చూపించే క్రమంలో ఇంకా ఎలాంటి శృంగారపు సన్నివేశాలను పెట్టి ఈ సినిమాతో ప్రేక్షకులను అల్లాడిస్తారో చూడాలి.
