యంగ్ రెబల్ స్టార్ ప్రభాస్ నటిస్తున్న లేటెస్ట్ మూవీ సలార్ ఇప్పటికే ప్రేక్షకుల్లో ఎలాంటి అంచనాలను క్రియేట్ చేసిందో అందరికీ తెలిసిందే.ఈ సినిమాతో మరోసారి ఇండియన్ బాక్సాఫీస్‌ను ప్రభాస్ షేక్ చేసేందుకు రెడీ అవుతున్నాడు.
ఈ సినిమాను కేజీఎఫ్ డైరెక్టర్ ప్రశాంత్ నీల్ తెరకెక్కిస్తుండటంతో ఈ సినిమాపై అదిరిపోయే అంచనాలు క్రియేట్ అయ్యాయి.ఇక ఇప్పటికే రిలీజ్ అయిన ఈ సినిమాలోని ప్రభాస్ ఫస్ట్ లుక్ ఈ సినిమా అంచనాలను మరో లెవెల్‌కు తీసుకెళ్లాయి.
కాగా ఈ సినిమాలో విలన్ పాత్రకు సంబంధించిన ఫస్ట్ లుక్ పోస్టర్‌ను చిత్ర యూనిట్ తాజాగా రిలీజ్ చేసింది.
ఈ సినిమాలో ‘రాజమనార్’ అనే విలన్ పాత్రలో ఎవరు నటిస్తున్నారా అనే అంశంపై ఇండస్ట్రీ వర్గాలతో పాటు సోషల్ మీడియాలో కూడా తెగ చర్చ సాగుతోంది.
అయితే ఈ సినిమాలో విలన్ పాత్రలో అదిరిపోయే పర్ఫార్మెన్స్ ఇచ్చేందుకు రెడీ అయ్యాడు నటుడు జగపతి బాబు.ఈ మేరకు ఆయన పాత్రకు సంబంధించిన ఫస్ట్ లుక్ పోస్టర్‌ను చిత్ర యూనిట్ రిలీజ్ చేసింది.
ఈ పోస్టర్‌లో జగపతి బాబు కిల్లింగ్ లుక్‌తో నోట్లో సిగరెట్ పెట్టుకుని, ముక్కుకు పోగు పెట్టుకుని అదిరిపోయే రీతిలో కనిపించాడు.ఈ సినిమాలో ఆయన పాత్ర చాలా పవర్‌ఫుల్‌గా ఉండబోతున్నట్లు ఈ ఫస్ట్ లుక్ పోస్టర్‌తోనే తేలిపోయింది.
ఈ పాత్రలో బాలీవుడ్ నటుడు మనోజ్ బాజ్‌పాయ్ నటిస్తాడని పలువురు అనుకున్నారు.
కానీ అందరి అంచనాలను పక్కనబెడుతూ జగపతి బాబు అదిరిపోయే రీతిలో ఎంట్రీ ఇచ్చి అందరినీ అవాక్కయ్యేలా చేశారు.
ఏదేమైనా విలనిజానికి కొత్త పేరును తీసుకొచ్చిన జగపతి బాబు ఈ సినిమాలో నటిస్తుండటంతో సలార్ చిత్రంపై అంచనాలు మరింత పెరిగిపోయాయి.ప్రభాస్ సరసన ఈ సినిమాలో అందాల భామ శృతి హాసన్ నటిస్తుండగా, ఈ సినిమాను కేజీఎఫ్ నిర్మాతలు హొంబాలే ఫిలింస్ బ్యానర్‌పై ప్రొడ్యూస్ చేస్తున్నారు.
ఈ సినిమాను వీలైనంత త్వరగా పూర్తి చేసి రిలీజ్ చేయాలని చిత్ర యూనిట్ భావిస్తోంది.మరి సలార్ చిత్రం ఎప్పుడు రిలీజ్ అవుతుందో చూడాలి అంటున్నారు ప్రభాస్ ఫ్యాన్స్.
