ఏదో ఒకటి తేల్చండయ్యా : ఆ పార్టీనా ఈ పార్టీనా ? దగ్గుపాటికి జగన్ ఆఫర్

  వైసీపీలో కీలక నాయకుడిగా అతి కొద్ది సమయంలోనే ఎదిగిన దగ్గుబాటి వెంకటేశ్వరావు పరుచూరి లో ఓటమి చెందారు.అయినా వైసీపీ అధిష్టానం ఆయనకు ప్రాధాన్యత ఇస్తూనే వచ్చింది.కానీ బిజెపి నాయకురాలు గా ఉన్న పురంధరేశ్వరి తరచుగా వైసిపి మీద, జగన్ మీద విమర్శలు చేస్తుండడంతో మీ కుటుంబం అంతా వైసీపీలో ఉంటుందో లేక బిజెపిలో ఉంటుందో తేల్చుకోవాలని దగ్గుపాటి వెంకటేశ్వరరావుకు జగన్ స్పష్టంగా తేల్చి చెప్పినట్టు తెలుస్తోంది.ముందుగా పురంధరేశ్వరి తో బీజేపీ కి రాజీనామా చేయించాలని దగ్గుబాటి పై వైసిపి అధిష్టానం తీవ్రంగా ఒత్తిడి పెంచుతున్నట్టు సమాచారం.

అయితే ఇదే విషయం జగన్ తో స్వయంగా చెప్పుకునేందుకు వెంకటేశ్వరావు ప్రయత్నిస్తున్నప్పటికీ ఆయనను కలిసేందుకు జగన్ ఆసక్తి చూపించడం లేదట.అంతేకాకుండా గత ఎన్నికలకు ముందు వరకు పర్చూరులో వైసిపి ఇంఛార్జిగా కొనసాగిన రావి రామనాథం బాబు దగ్గుబాటికి వైసీపీలో టికెట్ దక్కగానే టిడిపిలోకి జంప్ చేశారు.

  మారిన పరిస్థితులు నేపథ్యంలో ఆయనను మళ్లీ వైసీపీలో చేర్చుకుని ఆయనకు ప్రాధాన్యతలు పెంచారు.దీనిపై ఇప్పటికే దగ్గుబాటి గుర్రుగా ఉన్నారు.తన బాధను చెప్పుకునేందుకు కనీసం విజయ్ సాయి రెడ్డి అపాయింట్మెంట్ దొరుకుతుందేమోనని ప్రయత్నిస్తున్నా ఆయనకు ఆ అవకాశం దక్కడం లేదు.ఏదో ఒక రకంగా జగన్ కలిసి తన రాజకీయ భవిష్యత్తు పై ఒక నిర్ణయం తీసుకోవాలని ఆయన చూస్తుండగా జగన్ మాత్రం దగ్గుపాటి ఫ్యామిలీ అంతా ఏదో ఒక పార్టీలో మాత్రమే ఉండే విషయంలో స్పష్టమైన క్లారిటీ వచ్చిన తరువాత మాత్రమే దగ్గుబాటికి అపాయింట్మెంట్ ఇవ్వాలా వద్దా అనే విషయంపై నిర్ణయం తీసుకోవాలని చూస్తున్నారట.