హమాస్ మిలిటెంట్లు గాజా నగరంలోని అల్-షిఫా ఆసుపత్రిని( Al Shifa Hospital ) ఉగ్రవాద స్థావరంగా, బందీలను దాచడానికి ఒక ప్రదేశంగా ఉపయోగించుకుందని ఇజ్రాయెల్ సైన్యం( Israel Army ) ఆరోపించింది.ఇది అక్టోబర్ 7 రోజుకు సంబంధించిన ఒక సీసీటీవీ ఫుటేజీని విడుదల చేసింది, ఆ రోజే హమాస్( Hamas ) దక్షిణ ఇజ్రాయెల్‌పై ఘోరమైన దాడిని ప్రారంభించింది.ఈ దాడిలో సుమారు 1,200 మంది మరణించారు.240 మంది కిడ్నాప్ కి గురయ్యారు.వారిలో కొందరిని ఆసుపత్రిలో దాచినట్లు నిరూపించడానికి ఇజ్రాయెల్ సైన్యం తాజాగా ఒక వీడియో రిలీజ్ చేసింది.
ఆ వీడియో ఆసుపత్రిలోని సీసీటీవీ కెమెరాలో రికార్డు అయింది.
ఆ ఫుటేజీలో ఇద్దరు బందీలను మిలిటెంట్లు తీసుకొస్తున్నట్లు కనిపించింది, ఒకరు నేపాల్,( Nepal ) మరొకరు థాయ్‌లాండ్‌కు( Thailand ) చెందిన వారిని సైన్యం తెలిపింది.వారిని సాయుధ వ్యక్తులు ఆసుపత్రికి తీసుకువచ్చారు.
అయితే వారి పేర్లు ఏంటో గుర్తించలేకపోయామని సైన్యం తెలిపింది.ఆసుపత్రి కింద 55 మీటర్ల పొడవైన సొరంగాన్ని( Tunnel ) కనుగొన్నామని, అది పేలుడు తలుపుకు దారితీసిందని కూడా తెలిపింది.
19 ఏళ్ల సైనికుడు నోవా మార్సియానోను హమాస్ ఎలా హత్య చేసిందో కూడా సైన్యం వెల్లడించింది.వారి ప్రకారం, దాడి సమయంలో ఆమెను కిడ్నాప్ చేసి( Kidnap ) ఆసుపత్రి సమీపంలోకి తీసుకెళ్లారు.ఆమె కాల్పుల్లో గాయపడింది కానీ వాటి వల్ల ఆమె ప్రాణాలు పోలేదు.కానీ ఆసుపత్రికి తీసుకెళ్లి హమాస్ ఉగ్రవాదులు కిరాతకంగా చంపేశారు.ఆమె మృతదేహాన్ని ఆసుపత్రి వెలుపల స్ట్రెచర్‌పై ఉంచారు, అక్కడ మిలటరీ దానిని కనుగొంది.
హమాస్ మిలిటెంట్లు( Hamas Militants ) ఇజ్రాయెల్ సైన్యం వాదనలను ఖండించారు.వైద్య సంరక్షణ కోసం కొంతమంది బందీలను ఆసుపత్రికి తీసుకువెళ్లినట్లు తెలిపారు.హమాస్ చేత కాకుండా ఇజ్రాయెల్ వైమానిక దాడి వల్ల మార్సియానో మరణించిందని ఆరోపించారు.
ఇది కొత్తదేమీ కాదని ఫుటేజీని కొట్టి పారేశారు, ఆసుపత్రి గురించి సైన్యం అబద్ధం చెబుతోందని పేర్కొన్నారు.
