ఈ కాలం పిల్లలు స్మార్ట్ ఫోన్ మాయలో పడి జీవితాలను నాశనం చేసుకుంటున్నారు.ఎప్పుడు ఆటలు, సినిమాలు, సిరీస్ లు తప్ప జీవితం గురించి ఆలోచించటం లేదు.
జీవితంలో ఏదో సాధించాలి అని అనుకుంటారు కానీ స్మార్ట్ ఫోన్ లో కొటేషన్స్ ని ఫార్వర్డ్ చేస్తుంటారు.ఎప్పుడు చూడు సోషల్ మీడియాలో ఉంటారే కానీ పనికి వచ్చే పని ఒకటి చెయ్యరు.
ఇంకా ఈ నేపథ్యంలోనే ఓ వ్యక్తి.”సివిల్‌ సర్వీసెస్‌ సాధించాలంటే ఏంచేయాలి?” అని ట్విట్టర్ వేదికగా ఓ ఐపీఎస్ అధికారిని అడిగారు.అయితే దీనికి వన్‌షార్ట్‌లో సలహా ఇవ్వాలని అభ్యర్థి కోరాడు.దీంతో ఆ ఐపీఎస్ అధికారి ఇచ్చిన సమాధానం చూసి నెటిజన్లు అందరూ అతన్ని ఓ రేంజ్ లో పొగిడేస్తున్నారు.ఎందుకు అని అనుకుంటున్నారా?
అదేనండీ.”సివిల్స్ సాధించాలంటే ముందు స్మార్ట్ ఫోన్ వదిలిపెట్టు.దాని స్థానంలో నోకియా 5310ను వాడాలి” అంటూ ఆ ఐపీఎస్ అధికారి సలహా ఇచ్చారు.ఈ సమాధానాన్ని ఒడిశాకు చెందిన ఐపీఎస్ ఆఫీసర్‌ అరుణ్‌బోత్రా ఇచ్చారు.దీంతో ప్రస్తుతం ఈ కామెంట్ సోషల్ మీడియాలో వైరల్ అవుతుంది.స్మార్ట్ ఫోన్ ఉంటే ఏం సాదిస్తామో చెప్పలేం కానీ స్మార్ట్ ఫోన్ లేకుంటే మాత్రం ఓ మంచి జీవితాన్ని సాధించగలం అని ఈ సమాధానంతో అర్థం అయిపోతుంది.
