జగన్ ఢిల్లీ టూర్ లో కీలక మలుపులు ఎన్నెన్నో ?

కానీ ప్రస్తుతం పార్లమెంటు సమావేశాలు జరుగుతున్న నేపథ్యంలో బిజెపి కీలక నాయకులు, మంత్రులంతా అందుబాటులో ఉంటారని జగన్ భావించే, కొంతమంది కేంద్ర మంత్రుల అపాయింట్మెంట్లు ఇప్పటికే ఖరారు చేసుకున్నట్లు తెలుస్తోంది.అయితే ఇంత ఆకస్మాత్తుగా జగన్ ఢిల్లీ టూర్ పెట్టుకోవడానికి కారణాలేంటి అనే విషయంపై రాజకీయ వర్గాల్లోనూ ఆసక్తి నెలకొంది.ఒకవైపు అమరావతి లో చోటుచేసుకున్న వ్యవహారాలపై సిబిఐ విచారణ చేయించాలని పార్లమెంట్ వద్ద వైసీపీ ఎంపీలు నిరసనలు చేస్తున్నారు.

మరోవైపు అమరావతి అక్రమాలు పై ఏసీబీ విచారణ పైన ఇప్పటికే ఏపీ హైకోర్టు స్టే ఇచ్చింది.

దానిపైన సుప్రీంకోర్టు కు రాష్ట్ర ప్రభుత్వం వెళ్ళింది.

ఇక ఏపీలో హిందూ దేవాలయాల అంశానికి సంబంధించి బిజెపి గుర్రుగా ఉండటం వంటి కారణాలతో బిజెపి పెద్దలకు ఈ విషయంలో క్లారిటీ ఇచ్చేందుకు, అలాగే టిడిపి అధినేత చంద్రబాబు అమరావతి వ్యవహారం, మరికొన్ని కుంభకోణాల విషయంలో కేంద్ర దర్యాప్తు సంస్థ ద్వారా నిజాలు నిగ్గు తేల్చేందుకు తగిన విధంగా సహకరించాలని, ఇలా అనేక అంశాలపై జగన్ కేంద్ర బిజెపి పెద్దలతో చర్చించే అవకాశం ఉన్నట్టు తెలుస్తోంది.ఇప్పటికే ప్రధాని నరేంద్ర మోదీ అపాయింట్మెంట్ కూడా దొరికితే, జగన్ మోదీల మధ్య అనేక అంశాలకు సంబంధించి స్పష్టమైన క్లారిటీ వచ్చే అవకాశం ఉన్నట్టుగా తెలుస్తోంది.