మహేష్ రాజమౌళి కాంబినేషన్ లో సినిమా గురించి గత కొన్నేళ్ల నుంచి వార్తలు వస్తున్నాయి.రాజమౌళి డైరెక్షన్ లో నటించే ఛాన్స్ అంటే ఏ హీరో వదులుకోరనే సంగతి తెలిసిందే.
మహేష్ సోలో హీరోగా ఈ సినిమా తెరకెక్కుతుందని గతంలోనే రాజమౌళి ప్రకటించారు.అయితే ఈ సినిమాను మల్టీస్టారర్ గా తెరకెక్కించే దిశగా జక్కన్న అడుగులు వేస్తున్నారని తెలుస్తోంది.
ఈ సినిమాలో 40 నిమిషాల పాటు మరో స్టార్ హీరో కనిపిస్తారని ఎవరూ ఊహించని విధంగా ఆ హీరో పాత్ర ఉంటుందని సమాచారం.
ఆర్ఆర్ఆర్ సినిమాలో చరణ్ ఎన్టీఆర్ కాంబినేషన్ లో సీన్లు ఉంటాయనే సంగతి తెలిసిందే.
అయితే మహేష్ జక్కన్న సినిమాలో మహేష్, మరో హీరో కాంబోలో సీన్లు ఉండవని సమాచారం.ఇండస్ట్రీ వర్గాల్లో జోరుగా వినిపిస్తున్న ఈ వార్త గురించి మహేష్ బాబు లేదా రాజమౌళి నుంచి క్లారిటీ రావాల్సి ఉంది.
ఆర్ఆర్ఆర్ ప్రమోషన్స్ త్వరలో మొదలుకానున్న నేపథ్యంలో ఈ రూమర్ గురించి క్లారిటీ వస్తుందేమో చూడాలి.
మహేష్ బాబు అభిమానులు మాత్రం ఈ సినిమా మల్టీస్టారర్ గా తెరకెక్కడం ఇష్టం లేదని అభిప్రాయపడుతున్నారు.
రాజమౌళి మనసులో ఏముందో తెలియాలంటే మాత్రం మరికొన్ని రోజులు ఆగాల్సిందే.రాజమౌళి తండ్రి విజయేంద్ర ప్రసాద్ ప్రస్తుతం మహేష్ మూవీ స్క్రిప్ట్ పనుల్లో బిజీగా ఉన్నారు.
జక్కన్న గత సినిమాలను మించి ఈ సినిమా ఉండబోతుందని సమాచారం అందుతోంది.
రాజమౌళి ఈ ఏడాది సెకండాఫ్ లోనే ఈ సినిమా ప్రీ ప్రొడక్షన్ పనులను మొదలుపెట్టనున్నారని తెలుస్తోంది.ఆర్ఆర్ఆర్ సినిమాను మించిన బడ్జెట్ తో ఈ సినిమా తెరకెక్కనుందని సమాచారం అందుతోంది.త్వరలో ఈ ప్రాజెక్ట్ కు సంబంధించి మరిన్ని వివరాలు వెల్లడయ్యే అవకాశం ఉంది.
ఈ సినిమాలో హీరోయిన్ గా పలువురు బాలీవుడ్ స్టార్ హీరోయిన్ల పేర్లు వినిపిస్తున్నాయి.
