చిరునవ్వులో ఉన్న అందం కొత్త బట్టలో, కాస్ట్లీ మేకప్ లో ఉండదు.అసలు మనిషి నవ్వుకన్నా అందమైన దృశ్యం ప్రపంచంలో లేదని ఊరికే అనరు కదా.
నవ్వుకి ఎందుకంత గొప్ప స్థానం ఇస్తారంటే, ఆ నవ్వు మిమల్ని ఇతరులు ప్రేమించగలిగేలా చేయగలదు అలాగే శతృవులని కూడా దగ్గరగా చేయగలదు.అలాంటి చిరునవ్వు గురించి కొన్ని ఆసక్తికరమైన విషయాలు ఇప్పుడు చూద్దాం.
* ఒక్క చిరునవ్వు కోసం 5-53 ముఖ కండరాలు పనిచేస్తాయట.మన నవ్వుని బట్టి కండరాలు ఎక్కువగా పనిచేయటం, తక్కువగా పనిచేయటం జరుగుతుంది.
* కొన్ని అధ్యయనాల ప్రకారం మగవారి కన్నా ఆడవారే ఎక్కువగా చిరునవ్వులు చిందిస్తారట.కాస్త రఫ్ గా ఉండే గుణం వలన కావచ్చు, మగవారు తక్కువగా నవ్వుతారట.
అదీకాక అమ్మాయి నవ్వులో అందం వేరు కదా.అందుకే వారు వీలైనపుడల్లా నవ్వుతుంటారు.
* అతి త్వరగా, అతి దూరం నుంచి పసిగట్టగలిగే ముఖకవళిక నవ్వు.దాదాపు 300 ఫీట్ల దూరం నుంచి కూడా మనిషి ముఖంలో చిరునవ్వుని గుర్తించవచ్చు అంట.
* కేవలం దృశ్యం ద్వారా మనుషులు నవ్వరు.ఎందుకంటే అంధులకి కూడా నవ్వే శక్తి ఉంటుంది.
పుట్టుకతోనే నవ్వే ఎబిలిటితో మనిషులు పుడతారట.
* మేకప్ కన్నా, రంగుతేలిన చర్మం కన్నా, అమ్మాయి నవ్వుకి మగవారు ఎక్కువగా పడిపోతారట.
ఈ విషయంపై ఇప్పటికే ఎన్నో సర్వేలు జరిగాయి.
* రోగనిరోధకశక్తి పెంచే శక్తి నవ్వులో ఉంటుందని పరిశోధకులు చెబుతారు.
అందుకే నవ్వు సర్వరోగనివారిణి అని అంటారు పెద్దలు.
* స్వచ్ఛమైన నవ్వులో స్ట్రెస్, ఒత్తిడి, అలసట, బద్ధకాన్ని పారద్రోలే బలం ఉంటుంది.
ఇది ఊరికే చెప్పటం కాదు, మన మెదడులో నవ్వు వలన జరిగే కెమికల్ రియాక్షన్స్ వలన ఇలా జరుగుతుంది.