టాలీవుడ్ ఇండస్ట్రీలో 15 సంవత్సరాల క్రితం వరకు చిరంజీవి నంబర్ వన్ హీరోగా కెరీర్ ను కొనసాగించి భారీ రెమ్యునరేషన్ తీసుకున్నారనే సంగతి తెలిసిందే.చిరంజీవి సినిమా విడుదలైతే కలెక్షన్లపరంగా కొత్త రికార్డులు క్రియేట్ అయ్యేవి.
చిరంజీవి బి.గోపాల్ కాంబినేషన్ లో తెరకెక్కిన సినిమాలలో ఎక్కువ సినిమాలు సక్సెస్ సాధించాయి.మెగాస్టార్ చిరంజీవి కెరీర్ లోని బిగ్గెస్ట్ బ్లాక్ బస్టర్ హిట్లలో ఇంద్ర సినిమా కూడా ఒకటి.
2002 సంవత్సరంలో విడుదలైన ఈ సినిమా అప్పట్లోనే ఏకంగా 30 కోట్ల రూపాయల షేర్ కలెక్షన్లను సాధించి అరుదైన రికార్డులను సొంతం చేసుకుంది.ఫ్యాక్షన్ బ్యాక్ డ్రాప్ లో చిరంజీవి నటించిన ఏకైక సినిమా ఇంద్ర కావడం గమనార్హం.ఈ సినిమాలోని పాటలు సూపర్ హిట్ కావడంతో చిరంజీవి చేసిన డ్యాన్సులు ప్రేక్షకులను ఎంతగానో ఆకట్టుకున్నాయి.
రెండు షేడ్స్ ఉన్న పాత్రల్లో ఈ సినిమాలో చిరంజీవి నటించారు.
సోనాలి బింద్రే, ఆర్తి అగర్వాల్ ఈ సినిమాలో హీరోయిన్లుగా నటించడం గమనార్హం.
ఈ సినిమా గురించి బి.గోపాల్ ఒక సందర్భంలో మాట్లాడుతూ మదనపల్లిలో తనకు తెలిసిన ఒక వ్యక్తి బ్లాక్ లో 10,000 రూపాయలు ఇచ్చి ఇంద్ర సినిమా 5 టికెట్లను తీసుకున్నాడని చెప్పుకొచ్చారు.ఇంద్ర సినిమాకు జనాలను కంట్రోల్ చేయడానికి ఎస్పీ స్థాయి అధికారి వెళ్లాల్సి వచ్చిందని ఒక ఎస్పీ తనకు చెప్పిన విషయాన్ని బి.గోపాల్ వెల్లడించారు.
ఇంద్ర మూవీ కాశీ షెడ్యూల్ గొప్పగా జరిగిందని బి.గోపాల్ కామెంట్లు చేశారు.సినిమాలోని డైలాగ్స్ ను మెగాస్టార్ అద్భుతంగా చెప్పారని బి.గోపాల్ అన్నారు.ఆ సినిమాలో చిరంజీవి వేసిన స్టెప్పులు సంచలనం సృష్టించాయని బి.గోపాల్ వెల్లడించారు.చిరంజీవి కెరీర్ లోని ప్రత్యేకమైన సినిమాల్లో ఇంద్ర ఒకటి.ఇప్పటికీ ఈ సినిమా టీవీలో మంచి రేటింగ్స్ ను సొంతం చేసుకుంటుండటం గమనార్హం.