చిరంజీవి సినీ కెరీర్ లోని బ్లాక్ బస్టర్ హిట్లను పరిశీలిస్తే ఆ సినిమాలలో జగదేకవీరుడు అతిలోక సుందరి సినిమా కూడా ఒకటని చెప్పవచ్చు.ప్రముఖ దర్శకులలో ఒకరైన కె.
రాఘవేంద్రరావు ఈ సినిమాకు దర్శకత్వం వహించారు.వైజయంతీ మూవీస్ బ్యానర్ పై సోషియో ఫాంటసీ సినిమాగా ఈ సినిమా తెరకెక్కింది.
రాఘవేంద్ర రావు, జంధ్యాల కలిసి ఈ సినిమాకు స్క్రీన్ ప్లే సమకూర్చారు.
ప్రముఖ నిర్మాతలలో ఒకరైన అశ్వనీదత్ ఈ సినిమాను నిర్మించగా ఈ సినిమా ద్వారా అశ్వనీదత్ కు భారీగా లాభాలు వచ్చాయి.
ప్రముఖ సంగీత దర్శకుడు ఇళయరాజా ఈ సినిమాకు సంగీతం అందించారు.ఈ సినిమా రిలీజై 31 సంవత్సరాలు పూర్తైనా బుల్లితెరపై ఇప్పటికీ ఈ సినిమాకు మంచి టీఆర్పీ రేటింగ్స్ వస్తున్నాయి.
బాక్సాఫీస్ వద్ద ఈ సినిమా ఎన్నో సంచలనాలను సృష్టించింది.
ఈ సినిమా కోసం మెగాస్టార్ చిరంజీవి 35 లక్షల రూపాయలు పారితోషికంగా తీసుకున్నారు.స్టార్ హీరోయిన్ శ్రీదేవి ఈ సినిమా కోసం పాతిక లక్షలు తీసుకున్నారు.బాలీవుడ్ లో కూడా శ్రీదేవికి ఊహించని స్థాయిలో క్రేజ్ ఉండటంతో చిరంజీవి స్థాయిలోనే శ్రీదేవి కూడా ఈ సినిమా కోసం పారితోషికం తీసుకున్నారు.
ఈ సినిమా ద్వారా నిర్మాతకు 35 లక్షల రూపాయల లాభం వచ్చింది.
ప్రస్తుతం 35 లక్షలు అంటే ఎక్కువ మొత్తం కాకపోయినా మూడు దశాబ్దాల క్రితం 35 లక్షలు అంటే చాలా ఎక్కువ మొత్తమని చెప్పవచ్చు.ఈ సినిమా 7 కోట్ల రూపాయల కలెక్షన్లను సాధించగా ఆ సమయంలో బాల్కనీ టికెట్ ధర కేవలం 6 రూపాయలుగా ఉండేది.ఒక సందర్భంలో చిరంజీవి ఈ సినిమా గురించి మాట్లాడుతూ జగదేక వీరుడు అతిలోక సుందరి ఎవర్ క్లాసిక్ సినిమా అని చెప్పుకొచ్చారు.
చిరంజీవి ప్రస్తుతం గాడ్ ఫాదర్, భోళా శంకర్ సినిమాలతో బిజీగా ఉన్నారు.