అల్లు అర్జున్ ప్రస్తుతం వరుస విజయాలతో స్టార్ హీరోగా కెరీర్ పరంగా దూసుకెళుతున్నారు.అల వైకుంఠపురములో, పుష్ప ది రైజ్ విజయాలతో అన్ని భాషల్లో క్రేజ్ పెంచుకున్న బన్నీ పుష్ప ది రూల్ సినిమాతో ఆ సినిమాలను మించిన విజయాన్ని సొంతం చేసుకుంటానని నమ్మకంతో ఉన్నారు.
బన్నీ తర్వాత సినిమాల దర్శకుల జాబితాలో బోయపాటి శ్రీను మరి కొందరు డైరెక్టర్ల పేర్లు వినిపిస్తున్నా బన్నీ మాత్రం కొత్త ప్రాజెక్ట్ ల గురించి ఎలాంటి క్లారిటీ ఇవ్వడం లేదు.
అయితే బన్నీ ప్రతి సినిమాలో అందంగా కనిపిస్తారనే సంగతి తెలిసిందే.
సాధారణంగానే బన్నీ అందగాడు కాగా మేకప్ మేన్ సినిమాలలో బన్నీని మరింత అందంగా చూపిస్తారు.బన్నీ మేకప్ మేన్ లలో ఒకరైన సందీప్ ను మరి కొందరు శాండీ ఆర్టిస్ట్ అని పిలుచుకుంటారు.
చాలా టాలెంటెడ్ అయిన సందీప్ యాక్టర్ గా, కొరియోగ్రాఫర్ గా, వాయిస్ యాక్సెంట్ ట్రైనర్ గా, వాయిస్ ఓవర్ ఆర్టిస్ట్ గా పాపులారిటీని సంపాదించుకున్నారు.
బాల్యం నుంచి ఫ్యాషన్ పై ఆసక్తి ఉన్న సందీప్ ఏం చేసినా ఏదో ఒక స్పెషాలిటీ ఉండేలా జాగ్రత్తలు తీసుకునేవారని సమాచారం.
మ్యాస్ట్రో ముస్తఫా దగ్గర శిక్షణ తీసుకున్న సందీప్ ఐ యామ్ అనే సినిమాకు పని చేయడం ద్వారా మేకప్ ఆర్టిస్ట్ గా కెరీర్ ను మొదలుపెట్టారు.సొంతంగా ఈవెంట్లు చేసే రేంజ్ కు సందీప్ ఎదిగారు.ఆ తర్వాత సౌత్ ఇండియా ఫిల్మ్ సెలబ్రిటీలకు సందీప్ మేకప్ మేన్ గా మారారు.
చరణ్, బన్నీలతో పాటు ఎంతోమంది సెలబ్రిటీలకు మేకప్ మేన్ గా సందీప్ పని చేశారు.సందీప్ పనితనం అద్భుతంగా ఉంటుందని పలువురు సెలబ్రిటీలు సైతం ప్రశంసించడం గమనార్హం.అయితే సందీప్ అమ్మను మించిన బ్యూటీషియన్ ఉండరని వంటింటి చిట్కాలు సురక్షితం అని కెమికల్స్ తో చర్మాన్ని నాశనం చేసుకోవద్దని అలంకరణను ఇష్టపడే అమ్మాయిలకు నా సలహా ఇదేనని తెలిపారు.