థాయ్‌లాండ్‌కు( Thailand ) వెళ్లిన ఓ భారతీయ యూట్యూబర్ అనుభవం ఇప్పుడు సోషల్ మీడియాలో ఓ రేంజ్‌లో వైరల్ అవుతోంది.డాసరాజ్ చెంతమిల్ తరుణ్ అనే ఫుడ్ ట్రావెలర్, DCT Eats యూట్యూబ్ ఛానెల్ ద్వారా తన ఫుడ్ విశేషాలను పంచుకుంటారు.
అతను బ్యాంకాక్‌లో చాలా ఫేమస్ అయిన ‘రాన్ జే ఫాయ్’ (Raan Jay Fai) అనే చోటుకి వెళ్లి, అక్కడి ఐకానిక్ క్రాబ్ ఆమ్లెట్ (పీతల ఆమ్లెట్) రుచి చూశారు.ఈ ఆమ్లెట్ ధర దాదాపు రూ.3,500.
ఈ రాన్ జే ఫాయ్ అనేది మామూలు స్ట్రీట్ ఫుడ్ స్టాల్ కాదు.
థాయ్‌లాండ్‌లో మిచెలిన్ స్టార్( Michelin Star ) పొందిన ఏకైక స్ట్రీట్ ఫుడ్ స్టాల్ ఇదే.దీన్ని నడుపుతోంది 81 ఏళ్ల వృద్ధురాలు జే ఫాయ్ (Jay Fai).ఆమె ఇంకా ప్రతి వంటకాన్ని స్వయంగా తానే వండుతారు.వేడికి కళ్లు మండకుండా వంట చేసేటప్పుడు స్కీ గాగుల్స్ పెట్టుకుంటారు.ఆమె కష్టమే ఆమెను ప్రపంచవ్యాప్తంగా ఫేమస్ చేసింది.2018లో ఈ స్టాల్ థాయ్‌లాండ్‌లో మొట్టమొదటి మిచెలిన్ స్టార్ పొందిన స్ట్రీట్ ఫుడ్ ప్లేస్‌గా నిలిచింది.తర్వాత 2021లో “ఆసియాస్ 50 బెస్ట్ రెస్టారెంట్స్ ఐకాన్ అవార్డు” కూడా గెలుచుకుంది.
తరుణ్ ఆ చోటికి చేరుకోగానే, అక్కడ ఉన్న పెద్ద క్యూ చూసి షాకయ్యాడు.అది ఏదో ఎయిర్‌పోర్ట్‌లో చెక్-ఇన్ చేసినట్లు అనిపించిందన్నాడు.సీటు దొరకకముందే ఆర్డర్ ఇవ్వాల్సి వచ్చిందట.
దాదాపు 30 నిమిషాలు ఎదురుచూసిన తర్వాత, అతను కోరుకున్న ఆ పీతల ఆమ్లెట్( Crab Omelette ) అతని ముందుకు వచ్చింది.
ఆ ఆమ్లెట్ చాలా పెద్దదిగా, బంగారు రంగులో, డీప్ ఫ్రై చేసి ఉంది.లోపల స్వీట్, మృదువైన పీత మాంసం నిండుగా ఉంది.దాని సైజు, ధర చూసి తరుణ్ ముందు ఆశ్చర్యపోయి, “ఇది ఇంత పెద్దగా, ఇంత ఖరీదుగా ఎందుకుంది?” అని ప్రశ్నించాడు.కానీ ఒక్క ముక్క తినగానే, అతను పొగడ్తలు చేసుకుంటూ పోయాడు.అతను దాన్ని “తీపి,” అని, “పరమ ఆనందం, పరాకాష్ట” అని వర్ణించాడు.
ఈ అనుభవం అతనిపై బలమైన ముద్ర వేసింది.ఇది ఒక “మరచిపోలేని డైనింగ్ మూమెంట్” అని చెప్పాడు.
అతని వీడియో ఇప్పుడు ఆన్‌లైన్‌లో చాలా మంది దృష్టిని ఆకర్షిస్తూ వైరల్ అవుతోంది.
