అమెరికాలో ఓ భారత సంతతి వ్యక్తి డ్రగ్స్ను స్మగ్లింగ్ చేస్తూ పట్టుబడ్డాడు.వివరాల్లోకి వెళితే.ప్రబజ్యోత్ నగ్రా అనే యువకుడు జూన్ 25న అర్థరాత్రి సమయంలో రూ.151 కోట్ల విలువైన 1000 కిలోల గంజాయిని తన ట్రక్కులో అక్రమంగా కెనడా నుంచి అమెరికాకు తరలిస్తున్నాడు. పీస్ బ్రిడ్జిపోర్ట్ మార్గం ద్వారా నగ్రా పోలీసుల కళ్లుగప్పి…డ్రగ్స్ను అమెరికాకు చేరవేసే ప్రయత్నం చేశాడు.
అయితే కస్టమ్స్ అధికారుల, బోర్డర్ సెక్యూరిటీ ఫోర్స్ అతనిని అడ్డుకుని వెహికల్ కార్గో ఇన్స్పెక్షన్ సిస్టం ద్వారా తనిఖీ చేయడంతో నగ్రా గుట్టు బయటపడింది.8,320 వాక్యూమ్ సీల్డ్ ప్యాకేజీల్లో 1,000 కిలోల గంజాయి దొరికిందని అధికారులు తెలిపారు. బహిరంగ మార్కెట్లో దీని విలువ 20 మిలియన్ డాలర్లు (భారత కరెన్సీలో రూ.151) ఉంటుందని కస్టమ్స్ అధికారులు వెల్లడించారు.డ్రగ్స్ రవాణా చేస్తూ రెడ్ హ్యాండెడ్గా పట్టుబడిన ప్రబజ్యోత్కు పదేళ్ల నుంచి జీవితఖైదు పడే అవకాశం ఉందని న్యాయ నిపుణులు అంటున్నారు.