ప్రభుత్వ సంరక్షణలో పిల్లలు... స్వదేశానికి తీసుకెళ్లేందుకు భారతీయ జంట న్యాయపోరాటం

మరోవైపు ఈ కేసును యూకే కోర్ట్ ఆఫ్ అప్పీల్ ‘ అందరికీ సవాల్ ’’గా అభివర్ణించింది.ఈ పిల్లల తండ్రి తరపున భారతీయ న్యాయవాది హరీశ్ సాల్వే కోర్టు ఎదుట వాదనలు వినిపించారు.కాగా పిల్లలను వారి తల్లిదండ్రుల సంరక్షణ నుంచి తొలగించడం వెనుక గల కారణాలు కోర్టులో వెల్లడించలేదు.అయితే గతేడాది డిసెంబర్‌లో ఇచ్చిన తీర్పు ప్రకారం… మైనర్ పిల్లలు వారి బాల్యంలో ప్రభుత్వ సంరక్షణలో ఉండాలని తెలిపింది.

తన పిల్లలను యూకే ప్రభుత్వ సంరక్షణ నుంచి విడుదల చేసి, తమతో లేదా తమ బంధువులతో భారతదేశానికి పంపించాలన్నదే తన ఏకైక ఉద్దేశ్యమని తండ్రి స్పష్టం చేశారు.
తమిళనాడుకే చెందిన అతని భార్య ప్రస్తుతం సింగపూర్‌లో తన తల్లి, మరో కుమార్తెతో కలిసి నివసిస్తోంది.

గర్భవతిగా ఉన్నప్పుడు మూడో బిడ్డను సైతం కోల్పోతానేమోనన్న భయంతో ఆమె యూకే విడిచి సింగపూర్‌లో ప్రసవించింది.తాను మూడవ బిడ్డను బాగా పట్టించుకోలేదా.? అధికారుల ఆరోపణలు అబద్ధమని సదరు పిల్లల తల్లి ఆరోపించారు.వారు తన పిల్లలను తన నుంచి వేరు చేశారని.

ఏం జరుగుతోందో తాను అర్ధం చేసుకోలేకపోయానని ఆమె ఆవేదన వ్యక్తం చేశారు.న్యాయస్థానంలో ఆమెకు ఢిల్లీకి చెందిన న్యాయవాది నందితా రావు సహాయం చేశారు.

ఫోస్టర్ కేర్ విధానం (యూకే పౌరులు కానీ) లో పిల్లల జాతీయతను కాపాడటానికి బర్మింగ్‌హామ్ అధికారం, సామర్ధ్యాన్ని అంచనా వేయాలని నందితా రావు అన్నారు.తల్లిదండ్రులు లేక అనాథాశ్రమాల్లో, ప్రభుత్వ ఆశ్రమాల్లో నివసిస్తున్న చిన్నారులను కొంతకాలం వరకు ఇంటికి తెచ్చుకుని పెంచుకోవచ్చు.

ఈ విధానాన్నే ఫోస్టర్ కేర్ విధానం అంటారు.వారి వారి ఆర్ధిక స్థోమతను బట్టి నచ్చినన్ని రోజులు చిన్నారులను పెంచుకోవచ్చు.

తర్వాత చిన్నారులను తిరిగి ప్రభుత్వానికి అప్పగించాలి.