కేంద్రం తాజాగా ఎన్నారై భర్తలపై ప్రవేశపెట్టిన బిల్లు మొదటి సారిగా అమలు అయ్యింది.భార్యలని వదిలేసిన 8 మంది ఎన్నారై భర్తలకు భారత ప్రభుత్వం షాక్ ఇచ్చింది…నేరస్థులుగా పరిగణించబడుతున్న వారి పాస్‌పోర్టులను రద్దు చేస్తున్నట్లు మహిళ మరియు శిశు అభివృద్ధి మంత్రిశాఖకు చెందిన ఓ సీనియర్ అధికారి శుక్రవారం ప్రకటించారు…ఈ ప్రకటన ఒక్క సారిగా భార్యలని వదిలేసి ఉంటున్న ఎన్నారై భర్తలు ఉలిక్కిపడేలా చేసింది.
అంతేకాదు ఈ కేసు ఎక్కడా వీగిపోకుండా ఉండటానికి విదేశీవ్యవహారాల శాఖా, హోంమంత్రిత్వశాఖా, మహిళ మరియు శిశు అభివృద్ధి మంత్రిత్వశాఖ సంయుక్తంగా నియమించిన ఓ కమిటీని నియమించారు.ఈ కమిటీకి కేవలం రెండు నెలల వ్యవధిలో మొత్తం 70 ఫిర్యాదులు అందాయి.ఈ ఫిర్యాదులపై విచారణ జరుపుతున్న కమిటీ 8 మంది ఎన్నారై భర్తల పాస్‌పోర్ట్‌లను రద్దు చేస్తున్నట్టు ప్రకటించింది.నిందిత వ్యక్తులకు లుక్‌అవుట్ నోటిసు కూడా జారీ చేస్తున్నామని తెలిపింది.
ఇదిలాఉంటే వినతులపై మహిళలకి వెసులు బాటు కల్పించే విధంగా మహిళ మరియు శిశు అభివృద్ధి మంత్రిత్వశాఖ ఆన్‌లైన్‌లో ఓ కొత్త పోర్టల్‌ను ప్రారంభిస్తున్నట్లు తెలిపింది.ఎన్నారైలకు సంబంధించిన పెళ్లిళ్ల నమోదును కేవలం వారం రోజుల్లోనే గుర్తించే వెసులుబాటును కల్పించాలని అన్నీ రాష్ట్ర ప్రభుత్వాలను మహిళ మరియు శిశు అభివృద్ధి శాఖా మంత్రి మేనకా గాంధీ ఈ సందర్భంగా కోరారు…అయితే గతంలో అనుకున్నట్టుగానే భార్యలని వదిలేసినా ఎన్నారై భర్తల ఆస్తుల స్వాధీనంపై ఆలోచన చేస్తున్నామని త్వరలో ఆ విషయంలో ఒక క్లారిటీకి వస్తామని తెలిపారు మేనకా గాంధీ
తెలుగు NRI వార్త విశేషాలు సులభముగా తెలుసుకోండి!!!!
