అమెరికాలో భారత సంతతి మహిళా న్యాయవాదికి అరుదైన గౌరవం.. !!

హార్వర్డ్ లా స్కూల్ పూర్వ విద్యార్ధి అయిన షీలా మూర్తి.1994లో మేరీలాండ్‌లోని బాల్టిమోర్‌లో న్యాయ సంస్థను స్థాపించారు.అంతేకాదు.మేరీలాండ్‌లో 20 మంది అత్యంత ప్రభావవంతమైన సీఈవోలలో ఒకరిగా.50 మంది అత్యంత ప్రభావంతమైన వ్యక్తుల్లో ఒకరిగా షీలా మూర్తి చోటు దక్కించుకున్నారు.‘‘ మూర్తి నాయక్ ఫౌండేషన్‌’’ను స్థాపించి తన భర్త వసంత్ నాయక్‌తో కలిసి ఆమె భారత్, అమెరికాలలో ఎన్నో సామాజిక సేవా కార్యక్రమాలను నిర్వహిస్తున్నారు.

ముఖ్యంగా మహిళలు, పిల్లలు, వలసదారుల జీవితాలను మెరుగుపరిచేందుకు ఆమె కృషి చేస్తున్నారు.మరోవైపు.మేరీలాండ్ బిజినెస్ హాల్ ఆఫ్ ఫేమ్‌లోకి తనకు చోటు దక్కడంపై షీలా మూర్తి హర్షం వ్యక్తం చేశారు.