ప్రపంచ కప్ లో ఇప్పటి వరకు ఎన్నో రికార్డ్ లు నమోదయ్యాయి.మళ్ళీ ఆ రికార్డ్ లను ఎవరో ఒకరు తిరగరాస్తున్నారు.
అయితే ప్రపంచ కప్ లో దాదాపు ఈ రికార్డ్ బ్రేక్ చేయడమంటే దాదాపు అసాధ్యమే.ఆ రికార్డ్ ఏంటో మీకు తెలుసా ?
ప్రపంచ కప్ క్రికెట్ అనగానే 50 ఓవర్ల మ్యాచ్ లే గుర్తుకువస్తాయి.2007 లో టీ20 ప్రపంచ కప్ ని కూడా ప్రారంభించారు.అయితే భారత జట్టు ఇప్పటి వరకు టీ20 ప్రపంచ కప్ తో కలిపి 3 సార్లు విశ్వ విజేతగా నిలిచింది.
అందులో 60 ఓవర్ల ప్రపంచ కప్ , 50 ఓవర్ల ప్రపంచ కప్ , 20 ఓవర్ల ప్రపంచ కప్ లు ఉన్నాయి.ఇలా 60-50-20 ఓవర్లు గెలుచుకున్న మొదటి జట్టు భారత్ కావడం విశేషం.
ఈ రికార్డ్ బ్రేక్ చేయడం ప్రస్తుతం ఏ జట్టుకు సాధ్యం కాదు , ఒక వెస్టిండీస్ కి తప్ప.వెస్టిండీస్ ఇప్పటి వరకు 60 ఓవర్ల ప్రపంచ కప్ , టీ20 ప్రపంచ కప్ లు గెలుచుకుంది.
ఇప్పట్లో ఆ జట్టు 50 ఓవర్ల ప్రపంచ కప్ గెలవడం అసాధ్యం.ఒకవేళ ఆ జట్టు 50 ఓవర్ల ప్రపంచ కప్ గెలిస్తే భారత రికార్డ్ ని సమం చేసే అవకాశం ఉంది.
1983 – 60 ఓవర్ల ప్రపంచ కప్
1983 లో ఇంగ్లాండ్ లో జరిగిన 60 ఓవర్ల ప్రపంచ కప్ లో కపిల్ దేవ్ నాయకత్వం లో భారత జట్టు వెస్టిండీస్ జట్టు పై 43 పరుగులతో గెలిచి ప్రపంచ ఛాంపియన్ లు గా నిలిచారు.
2007 – టీ20 ప్రపంచ కప్
2007 లో సౌతాఫ్రికా లో జరిగిన టీ20 ప్రపంచ కప్ లో మహేంద్రసింగ్ ధోని నాయకత్వం లో పాకిస్తాన్ జట్టు పైన 5 పరుగుల తేడాతో గెలిచి పొట్టి ప్రపంచ కప్ లో విశ్వవిజేతలుగా నిలిచారు.
2011 – 50 ఓవర్ల ప్రపంచ కప్
2011 లో భారత ఉపఖండం లో జరిగిన ప్రపంచ కప్ లో ధోని నాయకత్వం లో శ్రీలంక జట్టు పై 6 వికెట్ల తేడాతో గెలిచి 50 ఓవర్ల ప్రపంచ కప్ లో ఛాంపియన్ లుగా నిలిచారు.
ఈ రికార్డ్ ని అందుకోవడం ప్రస్తుతం వెస్టిండీస్ జట్టు కి తప్ప ఏ జట్టు కి కూడా అవకాశాలు లేవు.ప్రపంచ కప్ లో ఏదైనా అద్భుతం జరిగితే వెస్టిండీస్ జట్టు కూడా 50 ఓవర్ల ప్రపంచ కప్ గెలిచే అవకాశాలు ఉన్నాయి.
.