పెళ్ళిలో జీలకర్ర,బెల్లంను ఎందుకు పెడతారో తెలుసా?

తాను వివాహం చేసుకుంటున్న భార్యను ప్రేమించటం, భార్య భర్తను ప్రేమించటం.ఇద్దరిలో అన్యోన్యత,అనుబంధం ఉండి వారి మధ్య ప్రేమ ఒక మత్తులా, ఒక నిద్రలా ఉండి మరేది తెలియకూడదు.దీనినే ఒకరికొకరు, ఒకరిలో ఒకరు జీవించాలనేదే దీని పరమార్ధం.

ఒకసారి వివాహ బంధంతో కలిసిన దంపతులు విడిపోకూడదు.జీలకర్ర, బెల్లాన్ని నూరి కలిపితే మరల దానిని విడదీయలేం.ఈ కలిపిన మిశ్రమంలో బెల్లం మాత్రమే కన్పిస్తుంది.అసలు జీలకర్ర కన్పించదు.

దీని అర్ధం భార్యాభ‌ర్త‌ల‌ జీవనంలో ఎదుటివారికి వారి పరవశం, జీవన మాధుర్యం, ఆ మత్తే కనిపిస్తుంది.దాని వెనక ప్రేమ, స్నేహం, అనురాగం, మైత్రి అంతర్లీనంగా ఉంటాయి.

జీవితాంతం జీలకర్ర,బెల్లం వలే భార్యాభర్తలు కలిసి మెలసి జీవించాలని భోదిస్తుంది.