కరోనా నుండి కోలుకున్న వారికి కొత్తగా బ్లాక్ ఫంగస్ ఇన్ఫెక్షన్ భయబ్రాంతులకు గురి చేస్తుంది.బ్లాక్ ఫంగస్, యెల్లో, వైట్ ఫంగస్ ల గురించి రోజుకొక కొత్త వార్త షాక్ ఇస్తుంది.
అయితే వీటిని ఎదుర్కునేలా ఇప్పటికే ఔషధ కంపెనీలు మెడిసిన్ రెడీ చేస్తున్నాయి.ఈ క్రమంలో ఐఐటీ హైదరాబాద్ పరిశోధకులు బ్లాక్ ఫంగస్ కోసం ఓ మందు కనిపెట్టారు.
ఖరీదైన వ్యవహారంగా ఏర్పడిన బ్లాక్ ఫంగస్ చికిత్సకు ఆంఫోటెరిసిన్-బి ఇంజెక్షన్ తో చికిత్స అందిస్తున్నారు.అయితే హైదరాబాద్ పరిశోధకులు ఆంఫోటెరిసిన్-బి టాబ్లెట్స్ ను అభివృద్ధి చేశారు.
బ్లాక్ ఫంగస్ ట్రీట్మెంట్ కోసం ఇంజెక్షన్ ద్వారా కాకుండా నోటి ద్వారా తీసుకునే ఔషధాన్ని రెడీ చేశారు.ఈ టాబ్లెట్ తయారీ విధానాన్ని అందరితో షేర్ చేసుకునేందుకు వారు ముందుకొచ్చారు.
అయితే ఈ మాత్రలను భారీ ఎత్తున ఉత్పత్తి చేయగలిగే ఫార్మా కంపెనీ భాగస్వామి కోసం వెతుకుతున్నట్టు తెలుస్తుంది.టాబ్లెట్స్ కాబట్టి వీటిని చిన్నగా తీసుకునే వీలుంటుంది.దీని వల్ల రోగి దేహం మరింతగా కుదుట పడే అవకాశం ఉంటుందని పరిశోధకులు చెబుతున్నారు.ఒకవేళ ఈ ప్రయోగం సక్సెస్ అయితే బ్లాక్ ఫంగస్ కు మెరుగైన ట్రీట్మెంట్ అందుబాటులోకి వచ్చినట్టే అవుతుంది.