సాధారణంగా మనకు లభించే శాండ్ విచ్ ల ధర ఏ వందో రెండు వందలో ఉంటుంది.మహా అయితే బహుశా 500 రూపాయల శాండ్ విచ్ గురించి కూడా మనం విని ఉండవచ్చు.
కానీ ఏకంగా 16 వేల రూపాయల ధర కల శాండ్ విచ్ గురించి ఎవరూ వినుండరు. అంతలా ధర ఉన్న ఆ శాండ్ విచ్ గిన్నిస్ బుక్ లో కూడా చోటు సంపాదించింది.
ఇంతకీ అంతలా రేటున్న ఆ శాండ్ విచ్ ను ఎక్కడ తయారు చేస్తారంటే.
న్యూయార్క్ నగరంలోని స్రెండిప్టీ3 అనే రెస్టారెంట్ లో ఇలా 16 వేల రూపాయల విలువగల శాండ్ విచ్ దొరుకుతుంది.
అసలు మన దేశంలో శాండ్ విచ్ ల గురించి గ్రామీణ ప్రాంతాల్లో నివాసం ఉంటున్న చాలా మందికి తెలియదు.కానీ న్యూయార్క్ లో ఏకంగా శాండ్ విచ్ ఖరీదే 16 వేల రూపాయలంటే ఇది విన్న ప్రతి ఒక్కరూ షాక్ కు గురికాక మానరు.
ఈ రెస్టారెంట్ లో తయారు చేసే ఈ రుచికరమైన శాండ్ విచ్ ను తినేందుకు చాలా దేశాల వాళ్లు వస్తారు.ఇంతలా ఈ శాండ్ విచ్ లో 16 వేల రూపాయలు పెట్టేంత స్పెషాలిటీ ఏముందనే అనుమానం ప్రతి ఒక్కరికీ కలుగుతుంది.ఈ శాండ్ విచ్ ను తయారు చేసేందుకు ప్రపంచంలోనే అత్యంత ఖరీదైన చీస్ ను వాడతారు.పైగా దీనిపై గోల్డ్ కోటింగ్ కూడా వేస్తారు.అందువల్లే ఈ శాండ్ విచ్ కు దిమ్మతిరిగి పోయే ధరను నిర్ణయించారు రెస్టారెంట్ నిర్వాహకులు.ఇలా అత్యధిక ధర ఉండడంతో ఈ శాండ్ విచ్ ను గిన్నిస్ వరల్డ్ రికార్డు ప్రతినిధులు వరల్డ్ రికార్స్ట్ లో చేర్చి నూతన వరల్డ్ రికార్డును కట్టబెట్టారు.
ఎంతైనా ఇలాంటి ఘటనలు మనకు ఎంతో థ్రిల్ ఇస్తాయి కదా.