ప్రస్తుతం కరోనా ఎంతలా విజ్రుంభిస్తుందో చూస్తున్నాం.ఇప్పటికే కరోనా సెకండ్ వేవ్ దెబ్బకు చాలా మంది ప్రజలు ప్రాణాలు కోల్పోయారు.
ఇంకొంత మంది ప్రాణాలతో పోరాడుతూ ఐసీయూలో గడుపుతున్న పరిస్థితి ఉంది.ఇప్పటికే కరోనా మొదటి వేవ్ ముగిసిన తరువాత అన్ని రకాల రంగాలు తమ కార్యకలాపాలను ప్రారంభించాలని అనుకున్నప్పటికీ అంతలోనే సెకండ్ వేవ్ రూపంలో కరోనా దాడి చేయడంతో మరల అన్ని రంగాల వారు లాక్ డౌన్ స్థితికి వెళ్లిపోయారు.
అందులో సినిమా రంగం కూడా ఒకటి.కొద్ది కొద్దిగా షూటింగ్ లను నిర్వహించుకుంటూ కుదుట పడుతున్న సినిమా పరిశ్రమ కరోనా సెకండ్ వేవ్ మూలంగా అన్ని సినిమా షూటింగ్ లను నిలిపివేసి అందరూ నటీ నటులు ఇంటి పట్టున ఉండిపోయారు.
అయితే లాక్ డౌన్ లో ఒక్కొక్కరు ఒక్కోలా గడుపుతున్నారు.
అయితే తాజాగా మెగా బ్రదర్ నాగబాబు గారాల పట్టి నిహారిక లాక్ డౌన్ లివింగ్ పై చేసిన కామెంట్స్ ఇప్పుడు వైరల్ గా మారాయి.
లాక్ డౌన్ తో ఇంట్లో ఉండలేకపోతున్నానని, బోర్ కొడుతున్నదని, ఎప్పుడెప్పుడు లాక్ డౌన్ ను తీసేస్తారా అని ఆత్రుతగా ఎదురుచూస్తున్నానని నిహారిక కొణిదెల తెలిపింది.లాక్ డౌన్ ను చాలా కష్టంగా నెట్టుకొస్తున్నానని నీహారిక తెలిపింది.