పఠాన్ సినిమాతో మళ్లీ తిరిగి ఫాం లోకి వచ్చాడు బాలీవుడ్ బాద్షా షారుఖ్ ఖాన్.ఆయన హిట్ కొడితే ఎలా ఉంటుందో బాలీవుడ్ బాక్సాఫీస్ ని చూస్తే అర్ధమవుతుంది.
పఠాన్ హిట్ జోష్ లో ఉన్న షారుఖ్ తన నెక్స్ట్ సినిమా జవాన్ ని కూడా అదే రేంజ్ లో ఉండేలా ప్లాన్ చేస్తున్నాడు.సౌత్ స్టార్ డైరెక్టర్ అట్లీ డైరెక్షన్ లో తెరకెక్కుతున్న జవాన్ సినిమా లో ఐకాన్ స్టార్ అల్లు అర్జున్ కూడా నటిస్తారని లేటెస్ట్ టాక్.
సినిమాలో ఒక చిన్న కెమియో రోల్ లో అల్లు అర్జున్ కనిపిస్తారని అంటున్నారు.
దీనికి సంబంధించి అట్లీ ఇప్పటికే అల్లు అర్జున్ ని కలిసి ఒప్పించాడని అంటున్నారు.
అదే జరిగితే బాలీవుడ్ బాద్షా సినిమాలో ఐకాన్ స్టార్ భాగం అయినట్టే.దశాబ్ధ కాలం పైగా హిట్ కోసం ఎదురుచూస్తున్న షారుఖ్ ఖాన్ పఠాన్ తో తన స్టామినా ప్రూవ్ చేసుకున్నారు.
జవాన్ తో ఆ హిట్ మేనియా కొనసాగించాలని చూస్తున్నారు.జవాన్ లో అల్లు అర్జున్ కూడా ఉంటే ఆ లెక్క వేరేలా ఉంటుందని చెప్పొచ్చు.
పుష్ప సినిమాతో అల్లు అర్జున్ నేషనల్ వైడ్ సూపర్ క్రేజ్ తెచ్చుకోగా పుష్ప 2 కోసం ఫ్యాన్స్ అంతా ఈగర్ గా ఎదురుచూస్తున్నారు.