కన్నడ చిత్ర పరిశ్రమలో స్టార్ హీరోగా మంచి ప్రేక్షకాదరణ పొందిన పునీత్ రాజ్ కుమార్ ఆకస్మిక మరణం యావత్ చిత్రపరిశ్రమను తీవ్ర దుఃఖసాగరంలోకి నెట్టేసింది.ఆయన శుక్రవారం మధ్యాహ్నం గుండెపోటుతో మరణించడంతో అభిమానులు ఈ విషయాన్ని జీర్ణించుకోలేకపోతున్నారు.
కేవలం నటుడిగా మాత్రమే కాకుండా పునీత్ ఎన్నో విద్యాలయాలను, అనాధ శరణాలయాలను, వృద్ధాశ్రమాల నడుపుతూ ఎంత గొప్ప మనసు చాటుకున్నారు.వీటితో పాటు ఏకంగా 1800 మంది పిల్లల చదువు వారి బాగోగుల బాధ్యతలను కూడా పునీత్ తీసుకున్నారు.
ఇదిలా ఉండగా పునీత్ మరణం తలచుకొని ఎంతోమంది సినీ ప్రముఖులు అభిమానులు ఆయన మృతికి ప్రగాఢ సంతాపం తెలియజేస్తూ కన్నీటి పర్యంతమయ్యారు.ఇక పునీత్ మరణం గురించి హీరో విశాల్ స్పందిస్తూ పలు ఆసక్తికరమైన వ్యాఖ్యలు చేశారు.
ఈ సందర్భంగా విశాల్ మాట్లాడుతూ తనకు పునీత్ మంచి మిత్రుడని ఆయన మరణం ఊహించలేదని ఇప్పటికీ ఆ విషయం నుంచి తేరుకోలేకపోతున్నట్లు విశాల్ తెలిపారు.ఈ క్రమంలోనే విశాల్ మాట్లాడుతూ తన మిత్రుడు 1800 మంది పిల్లల బాధ్యతలు తీసుకుని వారి చదువులు వారి బాగోగులను చూసుకుంటున్నారు.
అతని మరణానంతరం తన మిత్రుడుగా ఆ 1,800 మంది పిల్లల బాధ్యతలను తాను తీసుకుంటున్నట్లు విశాల్ వెల్లడించారు.
విశాల్ ప్రధాన పాత్రలో నటిస్తున్నటువంటి ఎనిమి చిత్రం నవంబర్ 4వ తేదీ ప్రేక్షకుల ముందుకు రానున్న సందర్భంగా ఈ సినిమా ప్రీ రిలీజ్ వేడుకలను నిర్వహించారు.ఈ వేడుకలో భాగంగా విశాల్ మాట్లాడుతూ మరొకసారి పునీత్ రాజ్ కుమార్ ను గుర్తు చేసుకొని ఆయన బాధ్యతలను విశాల్ తీసుకుంటున్నట్లు ఈ సందర్భంగా ప్రకటించారు.
తెలుగు వార్త విశేషాలు సులభముగా తెలుసుకోండి!!!!
