సొంత ఇంట్లో చోరీ చేసిన మహిళ.. పోలీసుల విచారణలో అసలు నిజం వెలుగులోకి..!

ఫరీదా బేగం ఆన్లైన్ యాప్ లో( Online Loan App ) భర్తకు తెలియకుండా అప్పు చేసింది.ఆ అప్పు చేసిన డబ్బుల నుంచి రూ.35 వేలను ఇంటి మరమత్తుల కోసం ఖర్చు చేసింది.అయితే ఆన్లైన్ యాప్ లో తీసుకున్న అప్పు తిరిగి చెల్లించకపోవడంతో యాప్ నిర్వాహకులు ఫరీదా బేగం ను ఒత్తిడికి గురి చేశారు.

దీంతో ఏం చేయాలో తెలియక ఫరీదా బేగం తన అత్తకు చెందిన 56 తులాల బంగారాన్ని దొంగతనం చేసింది.దొంగలించిన బంగారు ఆభరణాలను తన సోదరి ఫర్హీన్ బేగం, సోదరి భర్త మహమ్మద్ సమీర్ తో కలిసి విక్రయించాలి అనుకుంది.

ఇంట్లో నగలు కనిపించకపోవడంతో ఫరీదా బేగం భర్త హుస్సేన్ మీర్ చౌక్ పోలీసులకు ఫిర్యాదు చేశాడు.కేసు నమోదు చేసిన పోలీసులు దర్యాప్తులో భాగంగా ఫరీదా బేగం ను విచారించగా ఆమె దొంగతనం చేసినట్లు నిర్ధారించారు.

ఫరీదా బేగంతో పాటు మహమ్మద్ సమీర్, ఫర్జీన్ బేగంలను అదుపులోకి తీసుకొని వారి నుంచి 56 తులాల బంగారాన్ని రికవరీ చేశారు.