కొన్ని సంవత్సరాల క్రితం సిల్క్ స్మిత జీవితకథ ఆధారంగా వచ్చిన డర్టిపిక్చర్ సినిమా గుర్తింది కదా.విద్యాబాలన్ సిల్క్ స్మితగా నటించిన ఆ చిత్రం అప్పట్లో ఓ సంచలనం.
బాక్సాఫీస్ వద్ద లాభాలు కొల్లగొట్టి, కొన్నిరోజుల వరకు అత్యధిక కలెక్షన్లు సాధించిన ఫీమేల్ ఓరియెంటెడ్ చిత్రంగా నిలిచింది.
ఇప్పుడు అదే పద్ధతిలో మరో శృంగార తార షకీలా జీవితకథను ఆధారం చేసుకోని మరో సినిమా రాబోతోంది.
మళయాళ దర్శకుడు ఇంద్రజీత్ లంకేష్ ప్రస్తుతం ఈ సినిమా స్క్రిప్టు పని మీదే బిజీగా ఉన్నాడు.దీన్ని కేవలం మళయాలం వరకే పరిమితం చేయకుండా, దక్షిణాది భాషలన్నిటిలోకి, కుదిరితే హిందీలో కూడా విడుదల చేయాలని దర్శకుడి ప్లాన్.
ఇంతకి షకీలాగా ఎవరు నటించబోతున్నారో చెప్పనే లేదు కదూ.బాలివుడ్ భామ హుమా ఖురేషి ఈ పాత్రను పోషించే అవకాశాలు కనిపిస్తున్నాయి.ఈ భామ ఇప్పటికే మలయాళ సూపర్ స్టార్ మమ్ముట్టి సరసన వైట్ అనే చిత్రంలో నటిస్తోంది.