క్యాబేజీ పంట విత్తుకునే విధానం.. దిగుబడి పెంచే మెళుకువలు..!

క్యాబేజీ పంట విత్తుకునే విధానంలో పాటించాల్సిన మెళుకువల విషయానికొస్తే.ఒక ఎకరాకు 200 గ్రాముల విత్తనాలు అవసరం.ఒక కిలో విత్తనాలకు మూడు గ్రాముల తైరంతో లేదంటే కార్బండిజం( Carbandism ) తో విత్తన శుద్ధి చేసుకోవాలి.ఇక ఆరోగ్యకరమైన నారు పొందాలంటే.10 నుండి 15 సెంటీమీటర్ల ఎత్తు ఉండే నారుమడులను ఏర్పాటు చేసుకోవాలి.మడులపై అచ్చుగా సమాన దూరంలో గీతలు గీసుకుని విత్తనాలను వేసి మెత్తటి మట్టితో కప్పేయాలి.

ఇక విత్తనాలకు నీటిని అందించి నారుమడిపై వరిగడ్డిని పలుచగా పరచాలి.నేలపై నారు పెంచితే మడులలో నీరు నిల్వ ఉండకుండా చూసుకోవాలి.

ట్రేలలో విత్తుకోవడం వల్ల నారుకు ఆకు తినే పురుగులు ఆశించకుండా ఉంటాయి.ఒకవేళ క్యాబేజీ నారుకు ఆకుతినే పురుగులు ఆశిస్తే ఒక లీటరు నీటిలో 2.5 ml మాలాథియాన్( Malathion ) ను కలిపి పిచికారి చేయాలి.