బయటకు వెళ్ళటానికి 5 నిమిషాల ముందు ఇలా చేస్తే తెల్లగా మెరిసిపోతారు   How To Get Glowing Skin In 5 Minutes In Telugu     2018-01-04   21:11:05  IST  Lakshmi P

ఏదైనా పార్టీకి వెళ్లే ముందు ఇలా చేస్తే అందరిలో ప్రత్యేకంగా,అందంగా కనపడతారు. సాధారణంగా బయటకు వెళ్ళేటప్పుడు మంచి డ్రెస్ వేసుకొని మేకప్ వేసుకోవటం సాధారణమే. ఆ మేకప్ ఎక్కువ సేపు ఉండదు. మేకప్ సరిగా లేకపోతే ముఖం కాంతి విహీనంగా కనపడవచ్చు. అందువల్ల ఇప్పుడు చెప్పే చిట్కాలను పాటిస్తే మీరు పార్టీలో అందంగా మెరిసిపోతారు. ఆ చిట్కాల గురించి వివరంగా తెలుసుకుందాం.

మొదట ముఖాన్ని శుభ్రంగా కడిగి పొడి టవల్ తో తడి లేకుండా తుడుచుకోవాలి. ఒక బౌల్ లో పచ్చిపాలను తీసుకోని దానిలో కాటన్ బాల్ ముంచి ముఖానికి రాయాలి. ఈ విధంగా ముఖానికి పాలను రాయటం వలన చర్మ రంద్రాలు తెరుచుకొని మలినాలు తొలగిపోతాయి. పాలలో ఉండే లాక్టిక్ ఆమ్లం,పోషకాలు చర్మం మీద నలుపుని,తాన్ ని తొలగించటంలో సహాయపడి ముఖాన్ని తెల్లగా,కాంతివంతంగా చేస్తాయి. ముఖానికి పాలను రాసాక 5 నిమిషాల పాటు సున్నితంగా మసాజ్ చేసి చల్లని నీటితో శుభ్రం చేసుకోవాలి.

ఆ తర్వాత ఈ పద్దతిని ఫాలో అవ్వాలి. ఒక బౌల్ లో రెండు స్పూన్ల బొంబాయి రవ్వను వేసి సరిపడా పాలను పోసి పేస్ట్ గా తయారుచేసుకోవాలి. ఈ పేస్ట్ ముఖానికి రాసి సున్నితంగా స్క్రాబింగ్ చేయాలి. ఈ విధంగా చేయుట వలన బ్లాక్ హెడ్స్ మరియు మృత కణాలు తొలగిపోయి ముఖం కాంతివంతంగా మారుతుంది. ఈ విధంగా ముఖాన్ని బాగా స్క్రబ్ చేసాక చల్లని నీటితో ముఖాన్ని శుభ్రం చేసుకోవాలి.


ఆ తర్వాత ఈ పద్దతిని ఫాలో అవ్వాలి. ఈ విధానంలో ముఖానికి పేస్ ప్యాక్ వేసుకోవాలి. ఈ ప్యాక్ కోసం బియ్యంపిండి,మైదా పిండి,టమోటా రసం,పచ్చి పాలు అవసరం అవుతాయి. ఒక బౌల్ లో రెండు స్పూన్ల బియ్యంపిండి, ఒక స్పూన్ మైదా పిండి,ఒక స్పూన్ టమోటా రసం,సరిపడా పాలను పోసి పేస్ట్ గా తయారుచేసుకోవాలి. ఈ పేస్ట్ ముఖానికి రాసి 15 నిమిషాల తర్వాత కడిగేయాలి. ఈ ప్యాక్ వేయటం వలన చర్మంపై నలుపు తొలగిపోయి చర్మం తెల్లగా,కాంతివంతంగా కనపడుతుంది.

ఇక చివరి పద్ధతి ఏమిటంటే… ముఖం ఎక్కువసేపు తాజాగా ఉండటానికి ఐస్ ముక్కతో ముఖాన్ని రబ్ చేయాలి. ఈ విధంగా చేయటం వలన చర్మంలో రక్త ప్రసరణ పెరిగి ముఖం కాంతివంతంగా కనపడుతుంది. బయటకు వెళ్లే ముందు ఈ విధంగా చేస్తే ముఖం తెల్లగా కాంతివంతంగా ఉంటుంది.

ప్రకటన : తెలుగుస్టాప్ వెబ్ సైట్ లో పని చేయుట కొరకు అనుభవజ్ఞులైన తెలుగు కంటెంట్ రచయితలు,రాజకీయ విశ్లేషకులు,సోషల్ మీడియా ఫొటోస్/వీడియోస్ అడ్మిన్స్,వీడియో ఎడిటర్,వీడియో మేకర్స్,లైవ్ రిపోర్టర్ లు కావలెను..మీ వివరాలను telugustop@gmail.com కు మెయిల్ చేయగలరు.