విమాన ప్రయాణ సమయాలలో కొన్ని ఆసక్తికరమైన సంఘటనలు జరుగుతూ ఉంటాయి.కొందరు ఆకతాయిగా ప్రవర్తూ ఉంటారు.
మరికొందరు పెంపుడు జంతువులని తమతో పాటు తీసుకొని వస్తారు.నిజానికి విమానాలలో ప్రయాణం చేసేవారు ఎక్కువగా స్టైల్, శుభ్రతని కోరుకుంటారు.
అలాంటి వారికి ఏదైనా నచ్చనిది కనిపించిన చాలా తీవ్రంగా స్పందిస్తారు.తాజాగా అలాంటి ఘటన ఒకటి జరిగింది.
అమెరికాలోని ఓ విమానంలో ప్రయాణికులకు వింత అనుభవం ఎదురైంది.విమానంలోని ఓ సీట్లో కుక్కపిల్ల సైజులో ఉండే ఓ మీనియేచర్ గుర్రం కూర్చొని ఉంది.
ఇక ఆ చిన్న గుర్రానికి ఓ బ్లూకలర్ మాస్క్ కూడా వేశారు.దాన్ని చూసిన కొందరు ప్రయాణికులు అసహనానికి గురయ్యారు.దీనికి సంబంధించిన ఓ ఫొటోను ఒక ప్రయాణికుడు ఇన్స్టాగ్రామ్లో షేర్ చేయగా సోషల్ మీడియాలో నెటిజన్లు కూడా అసహనం వ్యక్తం చేసారు.కొంత మంది మూగజీవాల ప్రేమికులు కూడా ఈ సంఘటనపై ఆగ్రహం వ్యక్తం చేసారు.
ఆ మూగజీవి మొహాన్ని ముసుగులో బంధించడం హింసించడంతో సమానమని అన్నారు.మరికొందరేమో అసలు ఆ గుర్రాన్ని విమానంలోకి తీసుకొచ్చిన వ్యక్తికి బుద్ధుందా అంటూ మండిపడ్డారు.
అయితే అది మామూలు గుర్రం కాదని, గుడ్డివాళ్లకు సాయం చేయడానికి ప్రత్యేకంగా శిక్షణ పొందిన గుర్రమని ఆ పోస్టులో వివరణ ఇచ్చారు.