హాలీవుడ్ నిర్మాత హర్వే వెయిన్‌స్టీన్‌కు కరోనా పాజిటివ్‌గా నిర్ధారణ అయినట్లు తెలుస్తుంది.లైంగిక ఆరోపణలతో ప్రస్తుతం జైలు శిక్ష అనుభవిస్తున్న ఆయన కు, ఆయనతో పాటు మరో ఖైదీ కి కూడా ఈ వైరస్ సోకినట్లు జైలు అధికారులు చెబుతున్నారు.
పలు చిత్రాలను నిర్మించిన వెయిన్‌స్టీన్‌పై గతంలో పలువురు నటీమణులు లైంగికదాడుల ఆరోపణలు ఎదుర్కొంటున్నారు.ఈ వివాదం నేపథ్యంలో మీటూ ఉద్యమం కూడా ప్రారంభమైంది.2013లో న్యూయార్క్‌ సిటీ హోటల్‌లో ఓ నటిపై లైంగికదాడికి పాల్పడిన కేసులో దోషిగా తేలిన ఆయనకు కోర్టు ఇటీవల 23 ఏండ్లు జైలు శిక్ష విధించింది.దీంతో హార్వేను వెన్‌డి కారాగారానికి తరలించగా అక్కడ శిక్ష అనుభవిస్తున్న ఆయనకు కరోనా సోకినట్లు జైలు అధికారులు పేర్కొన్నారు.
ఆయనకు 23 ఏండ్ల జైలు శిక్ష విధించడం తో ఇటీవల రైకర్స్ ఐలాండ్ జైలు నుండి హై-సెక్యూరిటీ వెండే కరెక్షనల్ ఫెసిలిటీకి మార్చబడ్డాడు.
ప్రస్తుతం ప్రపంచాన్ని వణికిస్తోన్న ప్రాణాంతక కరోనా వైరస్ తొలిసారి చైనాలో వెలుగుచూసిన విషయంలో తెలిసిందే.
హుబే ప్రావిన్సులను అతలాకుతలం చేసిన ఈ మహమ్మారి.ప్రపంచ వ్యాప్తంగా 190 దేశాలకు పాకడం తో 15 వేల మంది కరోనా తో మృతి చెందారు.
