టాలీవుడ్ లో హిట్ సినిమా గత ఏడాది రిలీజ్ అయ్యి సూపర్ హిట్ అయిన విషయం తెలిసిందే.ఈ సినిమాను న్యాచురల్ స్టార్ నాని స్వయంగా నిర్మించారు.
వాల్ పోస్టర్ సినిమా బ్యానర్ పై నిర్మించిన సినిమాల్లో హిట్ 1 ఒకటి.విశ్వక్ సేన్ హీరోగా 2020 లో తెరకెక్కి బాక్సాఫీస్ దగ్గర మంచి కలెక్షన్స్ రాబట్టి సూపర్ హిట్ అనిపించు కుంది.
ఈ సినిమా హిట్ అవ్వడంతో దీనికి సీక్వెల్ కూడా రెడీ అయ్యింది.
సరిగ్గా ఏడాదికి మరొక సినిమాతో నాని నిర్మాతగా ప్రేక్షకుల ముందుకు రావడానికి సిద్ధం అయ్యాడు.
ఈ సినిమాను యంగ్ డైరెక్టర్ శైలేష్ కొలను తెరకెక్కించాడు.ఈ సినిమాతో హిట్ అందుకున్న ఈ డైరెక్టర్ ఇప్పుడు హిట్ 2 తెరకెక్కించాడు.
అయితే ఈసారి హీరోగా విలక్షణ హీరో అడవిశేష్ నటిస్తున్నాడు.క్షణం, గూఢచారి వంటి బ్లాక్ బస్టర్ సినిమాల తర్వాత అడవి శేష్ ఇటీవలే మేజర్ సినిమాతో పాన్ ఇండియా వ్యాప్తంగా గుర్తింపు పొందాడు.
దీంతో ఈయన క్రేజ్ ఈ సినిమాకు ప్లస్ అయ్యింది అనే చెప్పాలి.హిట్ 2 ఇప్పటికే షూటింగ్ కూడా పూర్తి చేసుకుని రిలీజ్ కు రెడీ అయ్యింది.
ఇటీవలే రిలీజ్ అయిన ట్రైలర్ తో మరిన్ని అంచనాలు పెంచుకుంది.మరి ఈ సినిమాతో బాక్సాఫీస్ దగ్గర నిర్మాత నాని ఏ స్థాయిలో కలెక్షన్స్ అందుకుంటారు అనేది ఇప్పుడు ఆసక్తిగా మారిపోయింది.
ఈ సినిమా బిజినెస్ వివరాలలోకి వెళ్తే.
నైజాం లో 4 కోట్ల ధర పలికిన ఈ సినిమా సీడెడ్ లో 1.75 కోట్లు, ఆంధ్రాలో 4.5 కోట్ల వరకు బిజినెస్ చేసినట్టు సమాచారం.ఆంధ్రా తెలంగాణలో మొత్తం కలిపి 10.25 కోట్ల వరకు ప్రీ రిలీజ్ బిజినెస్ చేసినట్టు సమాచారం.ప్రపంచ వ్యాప్తంగా చుస్తే 14.25 కోట్ల వరకు బిజినెస్ చేసిందట.మరి ఈ సినిమా బ్రేక్ ఈవెన్ అవ్వాలంటే 15 కోట్ల వరకు రాబట్టాల్సిందే.చూడాలి డిసెంబర్ 2న గ్రాండ్ గా రిలీజ్ కాబోతున్న ఈ సినిమా పెనింగ్స్ ఎంత రాబడుతుందో.
తెలుగు వార్త విశేషాలు సులభముగా తెలుసుకోండి!!!!
