బాలయ్యా ఎక్కడయ్యా ? ప్రశ్నిస్తున్న హిందూపురం

ఇక్కడి ప్రజలు బాలకృష్ణపై నమ్మకం పెట్టుకుని గెలిపించినా ఆయన మాత్రం ప్రజల కష్టాలను పట్టించుకునే పరిస్థితులు కనిపించడం లేదు.ఎన్నికలు జరిగిన ఆరునెలల్లో ఎమ్మెల్యే నియోజకవర్గం వైపు కన్నెత్తి చూడటం మానేశారు.ఈ నియోజకవర్గంలో గెలిచినప్పటి నుంచి కేవలం రెండుసార్లు మాత్రమే ఇక్కడికి వచ్చారు.దీంతో ఎక్కడి సమస్యలు అక్కడే పేరుకుపోయాయి.ప్రస్తుతం వైసీపీ ప్రభుత్వం అధికారంలో ఉన్నా ఇక్కడి ఎమ్యెల్యే గా వారి బాధలను ప్రభుత్వం దృష్టికి తీసుకువెళ్లి నియోజకవర్గ అభివృద్ధికి బాటలు వేయాల్సిన బాలకృష్ణ సినిమాల్లో బిజీగా గడుపుతుండడంపై విమర్శలు వస్తున్నాయి.ఆయన అసెంబ్లీ, అధికార సమావేశాలకు హాజరుకాకపోవడంతో అధికారులతో పాటు ప్రజల్లో కూడా తీవ్రంగా విమర్శలు వినిపిస్తున్నాయి.

పైగా ఆయన నియోజకవర్గం బాధ్యతలను పీఏలకు అప్పగించడం, గతంలో తీవ్ర వివాదానికి కారణమైంది.అయినా ఇప్పుడు కూడా అదే రీతిలో వ్యవహరిస్తూ మరిన్ని విమర్శలను తనమీద వేసుకుంటున్నాడు బాలకృష్ణ .

టీడీపీ అధికారంలో ఉన్న సమయంలోనూ బాలయ్య వ్యవహారం ఇదేవిధంగా ఉండేదట.అప్పుడప్పుడు చుట్టం చూపుగా వచ్చి వెళ్లేవారట.వచ్చినప్పుడల్లా మండలాల్లో ప్రారంభోత్సవాలు, భూమి పూజలు, రోడ్డుషోలు చేస్తూ మామ అనిపించేవారు తప్ప ఇక్కడ ప్రధాన సమస్యగా ఉన్న మంచినీటి విషయంలోనూ అదే నిర్లక్ష్యం కనబరిచి విమర్శలపాలయ్యారు.ఇక, ఈ ఏడాది జరిగిన ఎన్నికల సమయంలో సతీసమే తంగా హిందూపురంలో ఇంటింటి ప్రచారాలు చేశారే తప్ప ఆ తర్వాత కనిపించలేదు.

ఇక ఇప్పుడు కూడా ఇదే రీతిలో వ్యవహరిస్తూ సినిమాల మీద దృష్టిపెట్టి నియోజకవర్గాన్ని పట్టించుకోవడం మానెయ్యడంపై విమర్శలు వస్తున్నాయి.