మెగా హీరో వరుణ్ తేజ్ నటిస్తున్న లేటెస్ట్ మూవీ ‘బాక్సర్’ను ఇప్పటికే అధికారికంగా ప్రకటించిన సంగతి తెలిసిందే.అయితే ఈ సినిమా షూటింగ్ మాత్రం ఇంకా స్టార్ట్ కాలేదు.
దీంతో ఈ సినిమా ఎప్పుడెప్పుడు మొదలువుతుందా అని అందరూ ఆసక్తిగా ఎదురుచూస్తున్నారు.కాగా ఈ సినిమాలో వరుణ్ బాక్సర్‌గా నటిస్తుండటంతో ఆయన ప్రొఫెషనల్ బాక్సింగ్ ట్రెయినింగ్ తీసుకుంటున్నాడు.
కాగా కరోనా ప్రభావంతో ఈ సినిమాను అనుకున్న సమయానికి ప్రారంభించలేకపోయింది చిత్రి యూనిట్.
ఇక ఈ సినిమాను పాన్ ఇండియా మూవీగా తెరకెక్కించాలని చిత్ర యూనిట్ భావిస్తోంది.
ఈ క్రమంలోనే వరుణ్ సరసన హీరోయిన్‌గా బాలీవుడ్ బ్యూటీ అయితే బాగుంటుందని సాయీ మంజ్రేకర్‌ను సెలెక్ట్ చేశారు చిత్ర యూనిట్.కానీ ప్రస్తుతం ఉన్న పరిస్థితుల కారణంగా ఈ సినిమా నుండి ఆమెను తొలగించారట చిత్ర యూనిట్.
ఇక ఆమె స్థానంలో ఇస్మార్ట్ శంకర్ బ్యూటీ నభా నటేష్‌ను హీరోయిన్‌గా తీసుకునేందుకు చిత్ర యూనిట్ రెడీ అయ్యిందట.
ఈ విషయంపై అఫీషియల్ అనౌన్స్‌మెంట్ రావాల్సి ఉంది.
కాగా ఈ సినిమాను కిరణ్ కొర్రపాటి డైరెక్ట్ చేస్తుండగా అల్లు వెంకటేష్, సిద్ధు ప్రొడ్యూస్ చేస్తున్నారు.వీలైనంత త్వరగా ఈ సినిమా షూటింగ్‌ను ప్రారంభించాలని చిత్ర యూనిట్ భావిస్తోంది.
మరి ఈ సినిమాలో వరుణ్ సరసన నభా నటేష్ ఎలాంటి కెమిస్ట్రీ పండిస్తుందో తెలియాలంటే మాత్రం సినిమా రిలీజ్ అయ్యే వరకు ఆగాల్సిందే.
