విజయ్ దేవరకొండ పాన్ ఇండియా స్థాయిలో నటిస్తున్న మొట్టమొదటి చిత్రం లైగర్. ఈ సినిమా బాక్సింగ్ నేపథ్యంలో ఆగస్టు 25 వ తేదీన ప్రేక్షకుల ముందుకు రానుంది.
ఇప్పటికే షూటింగ్ పనులను పూర్తి చేసుకున్న ఈ సినిమా శరవేగంగా పోస్ట్ ప్రొడక్షన్ పనులను జరుపుకుంటోంది.ఇకపోతే ఇప్పటికే ఈ సినిమా నుంచి విడుదలైన పోస్టర్ లు సినిమాపై భారీ అంచనాలు పెంచాయి.
ఇక ఈ సినిమా ద్వారా బాలీవుడ్ బ్యూటీ అనన్య పాండే తెలుగు ప్రేక్షకులకు పరిచయం కానుంది.
ఈ సినిమా షూటింగ్ పనులు పూర్తి కావడంతో అనన్య పాండే ఒక జాతీయ మీడియా సమావేశంలో మాట్లాడుతూ ఈ సినిమా గురించి ఎన్నో ఆసక్తికరమైన విషయాలను వెల్లడించారు.
ఈ సినిమాలో నటించడం తనకు ఎంతో సంతోషంగా ఉందని, ముఖ్యంగా ఈ సినిమా షూటింగ్ సమయంలో హీరో విజయ్ దేవరకొండ తో పాటు దర్శక నిర్మాతలతో కలిసి ఎంతో సరదాగా గడపామని, ఇలా వీరితో పనిచేయడం చాలా సంతోషంగా ఉందని అనన్య పాండే వెల్లడించారు.లైగర్ సినిమా షూటింగ్ రోజులను తన జీవితంలో ఎప్పటికీ మరిచిపోలేని, ఆ క్షణాలు ఎప్పటికీ గుర్తుండి పోతాయని చెప్పుకొచ్చారు.
ఇకపోతే హీరో విజయ్ దేవరకొండ గురించి మాట్లాడుతూ ఈమె తన పై ప్రశంసలు కురిపించారు.విజయ్ దేవరకొండ షూటింగ్ లొకేషన్లో అందరితో ఎంతో సరదాగా గడుపుతారని, ఈయన ఎంతో మంచి వ్యక్తిత్వం కలవారని, విజయ్ దేవరకొండకు ఎంతో దయా గుణం ఉందని ఈ సందర్భంగా అనన్య పాండే హీరో గురించి పొగడ్తల వర్షం కురిపించారు.ఈ సందర్భంగా అనన్య పాండే విజయ్ దేవరకొండ గురించి చేసిన కామెంట్లు సోషల్ మీడియాలో వైరల్ అవుతున్నాయి.