లైవ్ ఈజ్ బ్యూటిఫుల్ సినిమాతో హీరోగా టాలీవుడ్ లోకి ఎంట్రీ ఇచ్చిన నటుడు సుధాకర్ కొమాకుల.ఈ కుర్ర హీరో చాలా గ్యాప్ తర్వాత సోలో హీరోగా తన అదృష్టం టెస్ట్ చేసుకునే పనిలో ఉన్నాడు.
నువ్వు తోపురా సినిమాతో మే 3న ప్రేక్షకుల ముందుకి రాబోతున్నాడు.ఇప్పటికే ఈ సినిమా ట్రైలర్ రిలీజ్ అయ్యి ఆకట్టుకుంటుంది.
ఇదిలా ఉంటే ఈ సినిమా ప్రమోషన్ లో బిజీ గా ఉన్న ఈ కుర్ర హీరోని దురదృష్టం కారు రూపంలో వెంటాడింది.
గుంటూరుకి సినిమా ప్రమోషన్ కోసం వెళ్తున్న టైంలో ఊహించని విధంగాజాతీయ రహదారి మీద సుధాకర్ కొమాకుల కారుతో ఓ మహిళని గుద్దడంతో ఆమె అక్కడికక్కడే ప్రాణాలు వదిలేసింది.
ఇక స్పీడ్ కంట్రోల్ చేసుకునే టైంలో కారు కూడా అదుపు తప్పి రోడ్డు పక్కన ఆగి ఉన్న ఓ లారీని గుద్ది నుజ్జయ్యింది.ఈ ప్రమాదంలో హీరో సుధాకర్ కి కూడా బలమైన గాయాలు అయ్యాయి.
దీంతో అతనిని హుటాహుటిన హాస్పిటల్ లో తరలించారు.ఇక చనిపోయిన మహిళ ఎవరనేది తెలియరాలేదు.
