ఎనర్జిటిక్ స్టార్‌ రామ్ హీరోగా పరిచయం అయ్యి మొన్నటి సంక్రాంతికి 15 ఏళ్లు పూర్తి అయ్యింది.దేవదాస్ మూవీ వచ్చి అప్పుడే 15 ఏళ్లు అయ్యిందా అన్నట్లుగా ఉంది అంటూ రామ్ ఇటీవల ఒక ఇంటర్వ్యూలో మాట్లాడుతూ చెప్పుకొచ్చాడు.
అంత స్పీడ్‌ గా ఆయన కెరీర్ ఉందా అంటే అనుమానమే అన్నట్లుగా అభిమానులు సైతం నీళ్లు నములుతున్నారు.అద్బుతమైన సినీ కెరీర్ ను రామ్ కొనసాగించాడా అంటే లేదు అనే సమాధానం వస్తుంది.
ఈ 15 ఏళ్ల సినీ కెరీర్ లో రామ్ సాధించిన విజయాలు తక్కువే.ఆయన మూట కట్టుకున్న పరాజయాలు మరీ ఎక్కువ.
ఆ విషయంలో ఎలాంటి డౌట్ అక్కర్లేదు.అయితే వచ్చిన సక్సెస్ లతో ఆయన కెరీర్ ను బిల్డ్‌ చేసుకుంటూ వచ్చాడు.
ఇక గత సినిమా ఇస్మార్ట్ శంకర్ తో సూపర్‌ హిట్‌ అందుకున్న రామ్ ఇప్పుడు సంక్రాంతికి ‘రెడ్‌’ సినిమాతో వచ్చి నిరాశ పర్చాడు.ఏమాత్రం ఆకట్టుకోని కథనం అంటూ విమర్శలు వస్తున్నాయి.
రామ్ ఒక సినిమా హిట్‌ రెండు మూడు ఫట్‌ అన్నట్లుగా కెరీర్ ఒడిదుడుకుల మద్య కొనసాగుతుంది.ఇలాంటి సమయంలో ఆయన కథ విషయంలో చిన్న లాజిక్కులు మిస్ అవుతున్నాడు అంటూ విశ్లేషకులు అభిప్రాయం వ్యక్తం చేస్తున్నారు.సినిమా షూటింగ్‌ సమయం నుండే రామ్ సినిమా ఆహా ఓహో అన్నట్లుగా ప్రచారం చేస్తూ వస్తున్నారు.కాని ప్రారంభం సమయంలో కథ విషయంలో రామ్ మరింత జాగ్రత్తలు తీసుకోవడం దర్శకుడు మరియు ఇతర విషయాలను గురించి కాస్త జాగ్రత్తగా ఆలోచించడం మంచిది.
రెడ్‌ సినిమాకు కిషోర్‌ తిరుమల దర్శకత్వం వహించాడు.ఆయనతో ఇప్పటికే రామ్ రెండు సినిమాలు చేశాడు.ఆ రెండు పర్వాలేదు అనిపించుకున్నాయి.మరి అలాంటి సినిమాలనే మళ్లీ ఆ దర్శకుడితో చేయాలి.
కాని మరో కొత్త ప్రయోగం చేయడం అనేది ప్రయోగం అవుతుంది.ఆ ప్రయోగ ఫలితం తేడా కొట్టే అవకాశాలు ఎక్కువగా ఉంటాయి అనే విషయం ఆయన గుర్తించాలి.
కాని ఆ విషయం పట్ల రామ్ కు పెద్దగా ఆసక్తి ఉన్నట్లుగా అనిపించలేదు.దాంతో రామ్ ప్రయోగం చేయడం అది కాస్త బెడిసి కొట్టడం జరిగింది.
ముందు ముందు అయినా రామ్ కథ కు తగ్గ దర్శకుడిని తనకు తగ్గ కథను ఎంపిక చేసుకోవాలని అభిమానుల నుండి రిక్వెస్ట్‌.
తెలుగు వార్త విశేషాలు సులభముగా తెలుసుకోండి!!!!
