ఎనర్జిటిక్ స్టార్ రామ్ హీరోగా నటించిన రెడ్ సినిమా నేడు థియేటర్లలో విడుదల కానుంది.2019లో ఇస్మార్ట్ శంకర్ సినిమాతో కెరీర్ బిగ్గెస్ట్ హిట్ అందుకున్న రామ్ నటించిన రెడ్ సినిమా గతేడాది విడుదల కావాల్సి ఉండగా కరోనా, లాక్ డౌన్ వల్ల సంక్రాంతి పండుగ సందర్భంగా విడుదలవుతోంది.తొలిసారి రామ్ ఈ సినిమాలో ద్విపాత్రాభినాయం చేస్తూ ఉండటంతో ఈ సినిమాపై ప్రేక్షకుల్లో భారీగా అంచనాలు నెలకొన్నాయి.
అయితే గత కొంతకాలం నుంచి రామ్ బాలీవుడ్ ఇండస్ట్రీలోకి ఎంట్రీ ఇస్తున్నాడని వార్తలు తెగ వైరల్ అయ్యాయి.
రెడ్ సినిమా ప్రమోషన్లలో భాగంగా ఇంటర్వ్యూలు ఇస్తున్న రామ్ కు బాలీవుడ్ ఎంట్రీకి సంబంధించిన ప్రశ్నలు ఎదురు కాగా రామ్ బాలీవుడ్ ఎంట్రీ గురించి ఆసక్తికర వ్యాఖ్యలు చేశారు.తనకు హిందీలో కూడా మార్కెట్ ఉండటం సంతోషకరమైన విషయం అని.అయితే హిందీ సినిమా చేసే ఆలోచన మాత్రం తనకు లేదని రామ్ పేర్కొన్నారు.
ప్రస్తుతం తెలుగులోనే నటిస్తానని రామ్ బాలీవుడ్ ఎంట్రీ గురించి స్పష్టతనిచ్చారు.కొత్త సినిమా విషయంలో కూడా నిర్ణయం తీసుకోలేదని తెలిపారు.ఏదైనా కొత్త సినిమాకు గ్రీన్ సిగ్నల్ ఇస్తే ఆ వివరాలను వెల్లడిస్తానని పేర్కొన్నారు.
ఈరోజు విడుదల కానున్న రెడ్ సినిమాలో రామ్ ఒక పాత్రలో ఊరమాస్ గా మరో పాత్రలో క్లాస్ గా కనిపించనున్నారు.రెడ్ సినిమాపై భారీగా అంచనాలు నెలకొనగా ఈ సినిమా ఎలాంటి ఫలితాన్ని అందుకుంటుందో చూడాల్సి ఉంది.
మరోవైపు రెడ్ సినిమా ప్రీ రిలీజ్ ఈవెంట్ లో రెడ్ మూవీ బిగ్ టికెట్ కు బదులుగా క్రాక్ మూవీ బిగ్ టికెట్ ఉండటం గురించి స్పందిస్తూ తప్పులు జరగడం సహజమని పేర్కొన్నారు.తప్పులను పెద్దగా పట్టించుకోవాల్సిన అవసరం లేదని రామ్ తెలిపారు.
తెలుగు వార్త విశేషాలు సులభముగా తెలుసుకోండి!!!!
