బుల్లితెర యాంకర్ ప్రదీప్ హీరోగా 30 రోజుల్లో ప్రేమించడం ఎలా అనే సినిమా తెరకెక్కుతున్న సంగతి తెలిసిందే.ప్రదీప్ కు జోడీగా అమృతా అయ్యర్ ఈ సినిమాలో నటిస్తుండగా విడుదలకు ముందే ఈ సినిమాపై భారీగా అంచనాలు నెలకొన్నాయి.
మున్నా ఈ సినిమకు దర్శకత్వం వహించగా ప్రీ రిలీజ్ ఈవెంట్ లో ప్రదీప్ యాంకర్ ప్రదీప్ నుంచి హీరో ప్రదీప్ గా మారడం గురించి ఆసక్తికర వ్యాఖ్యలు చేశారు.
తాను వ్యాఖ్యాతగా ఎన్నో సినిమాలకు స్టేజ్ పైన నిలబడి హీరోహీరోయిన్లను ఆహ్వానించానని.
అయితే తొలిసారి తనను హీరో ప్రదీప్ అని పిలిచి స్టేజ్ పైకి ఆహ్వానించడంతో భయం వేసిందని ప్రదీప్ అన్నారు.అభిమానులు చూపించిన ప్రేమాభిమానం వల్లే తన ప్రయాణం ఎంతో సులువైందని.
తనను ఈ స్థాయికి తీసుకొచ్చిన ప్రేక్షకులకు పాదాభివందం చేస్తున్నానని అన్నారు.సినిమా దర్శకుడు మున్నా తనలో ఎంతో ధైర్యం నింపాడని ప్రదీప్ తెలిపారు.
మున్నా అసలు పేరు ప్రదీపే అని తామిద్దరం కలిసి మరెన్నో సినిమాలు చేయాలని కోరుకుంటున్నానని ప్రదీప్ అన్నారు.తమ బంధం 30 సంవత్సరాలు కొనసాగాలని కోరుకుంటున్నానని తెలిపారు.నిజ జీవితంలో తనకు అన్నయ్యలు లేరని దర్శకుడు మున్నా రూపంలో మంచి అన్నయ్య దొరికాడని తెలిపారు.తాను మిడిల్ క్లాస్ అబ్బాయిగా థియేటర్ల ముందు పోస్టర్లు చూసేవాడినని ఇప్పుడు తన సినిమానే థియేటర్ లో చూసే స్థాయికి ఇద్దరు దేవుళ్లు తీసుకొచ్చారని ప్రదీప్ అన్నారు.
ఆ ఇద్దరు దేవుళ్లు ఎవరో కాదని తన తల్లిదండ్రులేనని తెలిపారు.ఈ నెల 29వ తేదీన థియేటర్లలో కలుద్దామని అన్నారు.
ఇప్పటికే 30 రోజుల్లో ప్రేమించాడం ఎలా సినిమా ట్రైలర్ విడుదల కాగా ట్రైలర్ కు ప్రేక్షకుల నుంచి పాజిటివ్ రెస్పాన్స్ వచ్చింది.ఈ సినిమాలోని నీలి నీలి ఆకాశం సాంగ్ సూపర్ హిట్టైన సంగతి తెలిసిందే.
తెలుగు వార్త విశేషాలు సులభముగా తెలుసుకోండి!!!!
