సినిమా చిత్రీకరణ అనగానే హాడావుడితో పాటుగా అపాయాలు కూడా ఉంటాయని ఎన్నో సందర్భాల్లో జరిగిన ప్రమాదాలను గమనిస్తే అర్ధం అవుతుంది.తెరమీద హీరోలా వెలిగే వారి కష్టాలు షూటింగ్ సమయంలో చూస్తే తెలుస్తుంది.
ఇకపోతే ప్రస్తుతం మలయన్ కుంజ్ అనే చిత్రంలో నటిస్తున్న ప్రముఖ మలయాళ హీరోకు ప్రమాదం జరిగింది.ఈ చిత్రం షూటింగ్లో భాగంగా వేసిన ఓ ఇంటి సెట్ పై నుండి దూకే సీన్ చిత్రీకరిస్తున్న సమయంలో అనుకోకుండా ఈ చిత్ర హీరో పహాద్ కింద పడ్డాడు.
వెంటనే అప్రమత్తమైన చిత్ర యూనిట్ అతడిని కొచ్చిలోని ఓ ప్రైవేట్ హాస్పిటల్కి తరలించారు.
కాగా ఈ ప్రమాదంలో పహాద్ ముక్కుకు గాయాలు అయ్యాయని, పరిస్థితి నిలకడగా ఉందని సమాచారం.
మొత్తానికి చిన్న చిన్న గాయాలతో ఈ ప్రమాదం నుండి ఆయన బయట పడినట్లుగా తెలుస్తోంది.ఇకపోతే ఈ మలయాళ నటుడు బెంగళూరు డేస్, ట్రాన్స్ వంటి చిత్రాల్లో నటించి మంచి గుర్తింపును సంపాదించుకున్న విషయం తెలిసిందే.