సినిమా ఇండస్ట్రీలో హీరోగా స్థిరపడాలంటే అందుకు తగ్గ రంగు, నటనా నైపుణ్యం, పర్సనాలిటీ ఉండాలని చాలా మంది భావిస్తారు.అయితే ఇవన్నీ అవసరం లేకుండా కేవలం నటనలో ప్రావీణ్యం ఉన్నా, ఇండస్ట్రీలో మంచి గుర్తింపు సంపాదించుకోవచ్చని హీరో ధనుష్ తెలియజేశారు.
కోలీవుడ్ స్టార్ హీరోలలో ఒకరైన ధనుష్ ఎంతో మంది ప్రేక్షకాభిమానులను సంపాదించుకున్నారు.
చూడగానే ఆకట్టుకునే రంగు పర్సనాలిటీ ధనుష్ కాకపోయినా ఎన్నో అద్భుతమైన సినిమాల్లో నటించి స్టార్ హీరోగా చలామణిలో ఉన్నారు.
ప్రస్తుతం సినిమా ఇండస్ట్రీలో స్టార్ హీరోగా ఉన్నటువంటి ధనుష్ కు ఏమాత్రం సినిమాలపై ఆసక్తి లేకపోయినప్పటికీ కేవలం తన తండ్రి దర్శకుడు కస్తూరి రాజా బలవంతం మేరకు సినిమా రంగంలోకి అడుగు పెట్టాడు.అలా అయిష్టత తోనే ఇండస్ట్రీలోకి అడుగుపెట్టి నేడు కోట్లాది మంది అభిమానులు హీరోగా మారిన ధనుష్ కూడా అదే స్థాయిలో రెమ్యూనరేషన్ తీసుకుంటున్నట్లు తెలుస్తోంది.
ధనుష్ ఒక సినిమాలో నటించడం కోసం సుమారు 10 నుంచి 15 కోట్ల రెమ్యునరేషన్ తీసుకునే వారు.ధనుష్ నటించిన తమిళ సినిమాలు తెలుగులో డబ్ అవుతూ ఎంతోమంది తెలుగు ప్రేక్షకులను కూడా సంపాదించుకున్నారు.
ఈ క్రమంలోనే శేఖర్ కమ్ముల దర్శకత్వంలో పూర్తిస్థాయి తెలుగు చిత్రంలో నటించడానికి గ్రీన్ సిగ్నల్ ఇచ్చారు.అయితే ఈ సినిమాలో హీరో ధనుష్ రెమ్యూనరేషన్ తెలిస్తే అతని స్టేటస్ ఏమిటో అర్థమవుతుంది.శేఖర్ కమ్ముల దర్శకత్వంలో నటించడం కోసం ఏషియన్ సినిమాస్ ధనుష్కు 50 కోట్లకు పైగానే పారితోషికం ఇవ్వనున్నట్లు తెలుస్తోంది.ఇక ధనుష్ ఆస్తుల విషయానికొస్తే సుమారు స్థిరచరాస్తులు కలిపి 180 కోట్లకు పైగా ఆస్తి ఉన్నట్లు సమాచారం.