ఈ మధ్య కాలంలో కొంతమంది వారి పాపులారిటీని పెంచుకోవడానికి ఏదో విషయం పై ప్రయోగాలు చేసి అది అందరికీ తెలిపే విధంగా సోషల్ మీడియాలో వారు చేసిన పనులను షేర్ చేస్తూ తెగ పాపులర్ అయిపోతున్నారు.అయితే తాజాగా ఓ అమ్మాయి సోషల్ మీడియాలో ఫేమస్ అవ్వడానికి చేసిందో లేకపోతే ఆమెకు ఉన్న తెలివి తేటలను అందరితో పంచుకోవాలనే ఉద్దేశ్యంతోనో పెదాలకు లిప్ స్పీక్ బదులు హెన్నను పెట్టుకోవచ్చని తెలుపుతూ చేసిన వీడియోలో స్వతహాగా తానే పెదాలకు హెన్నపెట్టుకొని అందరిని ఆశ్చర్యపరిచింది.
ఈ సంఘటనకు సంబంధించిన వీడియోను సోషల్ మీడియాలో పోస్ట్ చేసింది సదరు యువతి.అయితే ఆ యువతికి ఊహించని రీతిలో ఆ వీడియో వైరల్ గా మారింది.
అరియా అనే ట్విట్టర్ యూజర్ చేసిన పోస్ట్ ప్రస్తుతం సోషల్ మీడియాలో హల్ చల్ చేస్తోంది.బ్రియానా అనే ఓ యువతి ఎరుపు రంగు ఉన్న హెన్నను కోన్ నుండి బయటకు తీసి దానిని చిన్న బ్రష్ సహాయంతో పెదాలపై పూసుకుంది.
ఇలా పూసుకున్న దానిని ఓ గంట సేపు అలాగే పెదాలపై ఉంచుకుంది.ఆ తర్వాత నీటితో శుభ్రం చేసుకోగా అచ్చం లిప్ స్టిక్ పెట్టుకుంటే ఎలా ఎర్రగా పెదాలు ఉంటాయో హెన్నపెట్టడం వల్ల కూడా అలాగే మారిపోయింది.
ఈ వీడియోను షేర్ చేస్తున్న సమయంలో ఆ అమ్మాయి హెన్న కొత్తగా ట్రై చేశారా.? హెన్న పెదవుల గురించి మీరు ఏమంటారు.? నేను నా పెదాలు సహజంగా ఎర్రగా ఉండాలని ఈ ప్రయత్నం చేశాను లిప్ లైన్ నుండి మొదలు పెట్టి మొత్తం గంట సేపు తర్వాత క్లీన్ చేసుకున్నాను అని తెలిపింది.ఇంకెందుకాలస్యం ఆ అమ్మాయి చేసిన ఈ కొత్త ప్రయోగం గురించి మీరు కూడా ఓ లుక్ వేయండి.
