కరోనా ఫస్ట్ వేవ్ నుండి దాదాపుగా మన దేశ ప్రజలు తప్పించుకున్నారు.కానీ సెకండ్ వేవ్ మాత్రం ఊహకు అందని విధంగా పాజిటివ్ కేసులను నమోదు చేసుకుంటూ వెళ్లుతుంది.
గత కొన్ని నెలల క్రితం వరకు తెలంగాణ బార్డర్లో ఉన్న కరోనా ప్రస్తుతం తెలంగాణ రాష్ట్రంలో విజృంభిస్తుందని వైద్య ఆరోగ్యశాఖ హెచ్చరిస్తుంది.
రాష్ట్రంలో వేలల్లో కోవిడ్ పాజిటివ్ కేసులు పెరుగుతుండడంతో వైద్యారోగ్య అప్రమత్తమైంది.
కరోనా మొదటి వేవ్ కంటే సెకండ్ వేవ్ సీరియస్‌గా ఉందన్న అంచనాకు వచ్చిన వైద్యారోగ్య శాఖ వైద్య ఆరోగ్య వ్యవస్థను అప్రమత్తం చేసింది.అదీగాక ప్రభుత్వం ఎన్ని చర్యలు తీసుకున్నా ప్రజల సహకారం తప్పనిసరి అనే అభిప్రాయంతో మాస్కులు ధరించనివారిపై కేసులు కూడా నమోదు చేయడం తీవ్రతరం చేసింది.
ఈ క్రమంలో వైద్యారోగ్య శాఖలో పనిచేస్తున్న సిబ్బంది సెలవులను ఆకస్మికంగా రద్దుచేసి హెల్త్ ఎమర్జెన్సీ విధించింది.ఇక కోవిడ్‌ను తరిమి కొట్టాలంటే ప్రజలు కూడా సహకరించాలని విన్నవిస్తుంది.
