పొడ‌వుగా పాములు మాదిరి ఉండే స్నేక్‌గార్డ్‌లు అదేనండీ మ‌న పొట్ల‌కాయ‌ల గురించి కొత్త‌గా చెప్ప‌క్క‌ర్లేదు.ప్ర‌త్యేక‌మైన రుచిని క‌లిగి ఉండే పొట్ల‌కాయ‌ల్లో క్యాల్షియం, మెగ్నీషియం, ఐరన్, పొటాషియం, జింక్‌, విట‌మిన్ ఎ, విట‌మిన్ బి, విట‌మిన్ సి, బీటా కెరోటిన్, ప్రోటీన్, ఫైబ‌ర్ వంటి పోష‌కాలు ఎన్నో నిండి ఉంటాయి.
అందు వ‌ల్ల‌నే ఆరోగ్య ప‌రంగా పొట్ల‌కాయ‌లు బోలెడన్ని ప్ర‌యోజ‌నాల‌ను క‌లిగిస్తాయి.కానీ, వీటిని తిన‌డానికి పిల్ల‌లు అస్స‌లు ఇష్ట‌ప‌డ‌రు.
పొట్ల‌కాయ అంటేనే వారు ఆమ‌డ దూరంలో పారిపోతుంటారు.
పిల్ల‌ల పేచీల‌ను త‌ట్టుకోలేక త‌ల్లిదండ్రులు సైతం వారికి పొట్ల‌కాయ‌ను పెట్ట‌డం మానేస్తుంటారు.
కానీ, ఇలా చేయ‌డం వ‌ల్ల బోలెడన్ని ఆరోగ్య లాభాల‌ను చేతులారా పిల్ల‌ల నుంచి దూరం చేసిన‌ట్టే అవుతుంది.ఎందుకంటే, పిల్ల‌ల హెల్త్‌కి పొట్ల‌కాయ ఎంతో మేలు చేస్తుంది.
ముఖ్యంగా చాలా మంది పిల్ల‌లు మ‌ల‌బ‌ద్ధ‌కంతో ఇబ్బంది ప‌డుతుంటారు.అయితే వారంలో ఒక‌టి లేదా రెండు సార్లు పొట్ల‌కాయ‌ను వారికి పెడితే.
మ‌ల‌బ‌ద్ధ‌కం స‌మ‌స్యే ఉండ‌దు.
అలాగే కొంద‌రు పిల్ల‌లు నీటిని స‌రిగ్గా తీసుకోకుండా డీహైడ్రేష‌న్‌కు గుర‌వుతుంటారు.అలాంటి వారికి పొట్ల‌కాయ‌ను పెడితే డీహైడ్రేష‌న్ నుంచి చాలా త్వ‌ర‌గా కోలుకుంటారు.అంతే కాదు, పిల్ల‌ల‌కు పొట్ల‌కాయ‌ను పెట్ట‌డం వ‌ల్ల.
వారిలో రోగ నిరోధ‌క వ్య‌వ‌స్థ బ‌ల‌ప‌డుతుంది.జీర్ణ వ్య‌వ‌స్థ ప‌ని తీరు చురుగ్గా మారుతుంది.
వికారం, వాంతులు, విరేచనాలు, జ్వ‌రం వంటి స‌మ‌స్య‌లు ఉంటే.త‌గ్గు ముఖం ప‌డ‌తాయి.
మ‌రియు వారి మాన‌సిక, శారీర‌క ఎదుగుద‌ల కూడా అద్భుతంగా ఉంటుంది.
అందుకే పిల్ల‌ల డైట్‌లో ఖ‌చ్చితంగా పొట్ల‌కాయ ఉండేలా చూసుకోవాలి.
అయితే పొట్ల‌కాయ‌ను క‌ర్రీ రూపంలో పిల్ల‌లు తిన‌డానికి ఇష్ట‌ప‌డ‌రు.అలాంట‌ప్పుడు పొట్ల‌కాయ‌తో కట్‌లెట్, పెరుగు పచ్చ‌డి, ప‌కోడి ఇలా ర‌క‌ర‌కాల రెసిపీల‌ను తయారు చేసి వారికి పెట్ట‌డానికి ప్ర‌య‌త్నించాలి.
