కాఫీ గురించి చాలా మందికి మంచి అభిప్రాయం లేదు.కొంత మంది కాఫీ త్రాగితే ఆరోగ్యానికి మంచిదని చెప్పుతారు.
మరి కొంతమంది కాఫీ ఆరోగ్యానికి మంచిది కాదని చెప్పుతూ ఉంటారు.కాఫీ తీసుకొనే మోతాదు ను బట్టి ఆరోగ్యం మీద ప్రభావం ఉంటుంది.
ప్రతి రోజు 3 కప్పుల కాఫీ త్రాగితే శరీరానికి అద్భుతమైన ప్రయోజనాలు కలుగుతాయని కొన్ని పరిశోధనలలో తెలిసింది.వాటి గురించి వివరంగా తెలుసుకుందాం.
కాఫీలో ఉండే కెఫీన్ శక్తి స్థాయిలను, మానసిక స్థితిని మరియు మెదడు పనితీరు యొక్క వివిధ అంశాలను మెరుగుపరిచేందుకు అవసరమైన ఉత్తేజాన్ని ప్రభావవంతంగా శరీరానికి అందిస్తుంది.
కాఫీలో మెగ్నీషియం మరియు పొటాషియం వంటి ముఖ్యమైన ఖనిజాలు సమృద్ధిగా ఉండుట వలన మానవ శరీరంలో ఉండే ఇన్సులిన్ శరీరం ఉపయోగించుకునేలా సహాయం చేస్తుంది.
స్వీట్స్ తినాలనే కోరికను తగ్గిస్తుంది.
కాఫీ అనేది కేంద్ర నాడీ వ్యవస్థను ప్రేరేపిస్తుంది.
అలాగే సెరోటోనిన్, డోపమైన్, మరియు నార్డ్రెనాలిన్ వంటి న్యూరోట్రాన్స్మిటర్ల ఉత్పాదనను ప్రోత్సహించి డిప్రెషన్ తగ్గించే పోరాటంలో సహాయం చేస్తుంది.
కాఫీలో యాంటీ ఆక్సిడెంట్స్ సమృద్ధిగా ఉండుట వలన క్యాన్సర్ కణాలపై పోరాటం చేస్తాయి.
రోజుకు 2-3 కప్పుల త్రాగటం మంచిదే.ఏది ఏమయినప్పటికీ, కాఫీను అధికంగా వినియోగించడం మంచిది కాదు అనే విషయాన్ని అందరూ గుర్తుంచుకోవాలి.